Асқар Сүлейменов

Асқар Сүлейменов (29 желтоқсан 1938, Шолаққорған елді мекені, Созақ ауданы, Оңтүстік Қазақстан облысы – 15 мамыр 1992, Алматы) – жазушы, әдебиет сыншысы, драматург.

1959 жылы ҚазПИ-ді (қазіргі Абай атындағы Қазақ ұлттық педагогиялық университеті) бітірген.
1962 жылы ҚазПИ-дің (қазіргі Абай атындағы Қазақ ұлттық педагогиялық университеті) аспирантурасын бітірген.
1961 жылы алғашқы сын мақаласы “Жол басы” “Лениншіл жас” (қазіргі “Жас алаш”) газетінде жарияланған.

Шығармалар

“Бесін” (1970)

“Адасқақ” (1988)

“Бесатар” (1996) прозалық шығармалары

“Арғымақ пен шабандоз”

“Кек” (1978, 2002) драмалық жинағы

“Парасат падишасы” (1998)

“Болмыспен бетпе-бет” (2001) сыни-эстетикалық еңбектері, әдебиет пен өнер турасында жүзден астам мақалалары жарық көрген.



Нақыл сөздері

Өмір - тән, өнер - жан: тән тұншыққанда - жан шыңғырады.

Ілмектер: өмір, тән, жан, нақыл, афоризм Асқар Сүлейменов

Ұлтжандылықты ауаның деңгейіне көтерген үш халық болса, екеуі - француздар мен поляктар, екі халық болса - тағы сол екеуі. Ұлтшылдықпен тыныстау олар үшін табиғи нәрсе. Парижде қайтқан Шопеннің жүрегін Варшавадағы шіркеуге мирас қылғаны ұмыт қалмайды.

Ілмектер: Ұлтжандылық, нақыл, афоризм Асқар Сүлейменов

Қит етсе болды америкалап шыға келетін аура етек алды. Бұл өзі мегежіннің інгенмен бой салыстырғанындай.

Ілмектер: Америка, нақыл, афоризм Асқар Сүлейменов

Бірлік түбі – зорлық.

Ілмектер: бірлік, зорлық, нақыл, афоризм Асқар Сүлейменов

Бұл ғаламда тұзақты да, тұсау-тұсамысты да туабітті танымасқа жаралған біреу бар: ол – адам.

Ілмектер: адам, ғалам, нақыл, афоризм Асқар Сүлейменов

Байлық - барлық болғанда, өнер - мұрат. Байлықтан мұрат шықпаған. Ал, мұрат - тірлік.

Ілмектер: мұрат, байлық, нақыл, афоризм Асқар Сүлейменов

Бабы мен бағы бұққан тұяқ та бір – ойға суарылмаған әуен мен әуез де бір: нені айту бір пара, қалай айту бір пара, кімге айту, қашан айту бір пара.

Ілмектер: әуен, әуез, нақыл, афоризм Асқар Сүлейменов

Қазақтай психофизикалық типтің азасын «Жігердей» кемерлейтін күй, «Қаракесектей» шыңғыртар ән жоқ.

Ілмектер: күй, ән, нақыл, афоризм Асқар Сүлейменов

Пьеса – құндақтаулы сәби: оның қандай азамат болып өсіп шығары режиссерге байланысты.

Ілмектер: пьеса, режиссер, нақыл, афоризм Асқар Сүлейменов

Абайда ашу шақырар орам көп. Кейіс шақырар бір орамы: «...қазақ та адам баласы ғой».

Ілмектер: Абай, қазақ, нақыл, афоризм Асқар Сүлейменов

Сөйлемдегі өмір мен сөйлемнің өмірі бірікпегесін – тірі тіркес тумайды. Өмірдің тамыр солқылы мен сөйлемнің тамыр солқылын лингвистикалық проза ғана қоса алады.

Ілмектер: сөйлем, проза, лингвистика, нақыл, афоризм Асқар Сүлейменов

Бала – тапқандікі емес, бала – қаққан мен баққандікі.

Ілмектер: бала, нақыл, афоризм Асқар Сүлейменов

Кәміл болу қиын, бірақ ой қашады: халық – екі ұғымның құлы: кеткен мен келердің.

Ілмектер: Кәміл, халық, құл, ой Асқар Сүлейменов

Қазақтың радиомаразмы: «махаббаттың сүйіспеншілігіне бөленіп...».

Ілмектер: радио, нақыл, афоризм Асқар Сүлейменов

Алған ұмытар, берген ұмытпайды. Қазақстанның психологиялық халі: аз да болса алғанын ұмытпайды, мол болса да бергенін ұмытады. Кең қолтықтың бір ірілігі.

Ілмектер: нақыл, афоризм Асқар Сүлейменов

Қит етсе болды, Америкалап шыға келетін аура етек алды. Бұл өзі мегежіннің інгенмен бой салыстырғанындай.

Ілмектер: Америка, нақыл, салыстыру, афоризм Асқар Сүлейменов

Білмеген мін емес, білместікке көнген мін.

Ілмектер: білу, білім, мін, нақыл, афоризм Асқар Сүлейменов

Өтірікті кешіруге болады, ақтауға болмайды.

Ілмектер: өтірік, кешірім, нақыл, афоризм Асқар Сүлейменов

Ай айнасын бұлт басса, жан айнасын мұң басқан.

Ілмектер: мұң, жан Асқар Сүлейменов

7 сөздің басын әзер қосарға 70-ақ сөзден тұратын сөйлем тағылық көрінеді. Мұнысы дұрыс та: ешкі – танауына алма сыяр алпауыттың қарымын қайдан түсінсін.

Ілмектер: сөз, сөйлем Асқар Сүлейменов


nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)