Өлең-жыр байқауы

Аналарды сүйеміз

«Балбөбек» бөбекжайы КМҚК
«Құлыншақ» тобының тәрбиешісі: Эшназарова Карима Тулепбергеновна

Жүргізуші: Сәлеметсіздер ме? Құрметті Әжелер мен абзал аналар, ардақты апайлар және ару қыздар! Сіздерді 8-Наурыз аналар мерекесімен құттықтап «Құлыншақ» тобының бүлдіршіндері дайындаған «Аналарды сүйеміз» атты ертеңгілігімізді тамашалауға шақырамыз.

Той-тойлап дала мен қалаларым,
Мерекең құтты болсын аналарым!
Қаракөз қыз, абзал ана мерекесін,
Құттықтауға келеді міне балаларың-деп, отыра сіздерге арналған мерекемізді әсем әнмен ашуға рұқсат етіңіздер.

Ән: «Айналайын анашым!»

Жүргізуші: Балалар, қазір жылдың қай мезгілі?
Балалар: Көктем.
Жүргізуші: Көктем мезгілінің айларын маған айтып беріңдерші.
Балалар: Наурыз, Сәуір, Мамыр.
Жүргізуші: Ал көктемде қандай өзгерістер болады екен?
Күн жылынады, қар ериді, құстар ұшып келеді және бәйшешек, қызғалтақ гүлі шығады.
Балалар, Көктемде көп өзгерістер болады екен, ендеше балалар көктемді ортаға шақырайық.
Балалар: Көктем, көктем, көктем.
Көңілді әуенмен ару көктем келеді.
Ару Көктем: Сәлем достар аманба?
Мынау бибіт заманда.
Шат-шадыман көктем келіп,
Шаттық толсын аманда.
Ән құрадым әніммен,
Сән құрамын гүліммен.
Қуантамын бәріңді,
Құт береке күніммен.
Ару Көктем: Сәлеметсіздер ме, қонақтар,балалар! Мен Ару-Көктеммін!
Сендердің дауыстарыңды естіп келдім. Қандай мереке болып жатыр?
(Балалар Көктеммен амандасады).
Жүргізуші: Амансыз ба, ару Көктем! Біз балалармен 8 Наурыз аяулы аналарымыздың  мерекесін тойламақшымыз. Келіңіз төрлетіңіз біздің балалардың мерекеге арналған тақпақтарын тыңдаңыз.

Тақпақтар:
Айару:                                                                
Анашым анам,                                            
Тіліңді алам.                                              
Ризамын саған,
Ақылды болам. 

Димаш:
Анашым деп мақтанам,
Айналайын ақ мамам.

Айсұлтан:
Анашым жан анам,                  
Балдай тәтті жан анам.    

Ақжарқын:
Мамама мен тілеймін,
Өмірдегі бақытты.                            

Сафия:  
Анамның біз гүліміз,
Ана - біздің күніміз.

Ару Көктем: Жарайсыңдар балалар! Сендер ойынды жақсы көресіңдер ме?
Балалар: Ия
Ару Көктем: Ендеше келіңдер жақындап  ойын ойнайық.
Ойын: «Гүлдерді жинау».
Жүргізуші: Рақмет сізге Ару көктем, енді біздің қыздарымыздың биін тамашалаңыз.
Би: «Тик-так».
Жүргізуші: Жарайсыңдар енді Аналар мерекесіне арналған тақпақтарымызды әріқарай жалғастырайық.
Тақпақтар:

Эльзара:
Менің мамам әрқашан,            
Көңілді де әдемі.                                               
Менің мамам әрдайым,                                    
Әсем болып жүреді.      

Нұрсұлтан:  
Айналайын анашым,        
Жұмысқа барасың.                  
Қайтып мені көргенше,
Шын сағынып қаласың

Ақниет:
Әлпештеген баласын,                 
Ана бақыт, ана гүл.

Шыңғыс:
Анашым мен сүйем сені.

Аделя:  
Әжем менің әлі де,
Ұқсамайды кәріге.
Шай қайнатып береді,
Біздің үйдің бәріне.

Жүргізуші:
Жарқын жүзді жан анам,
Сендей болсын бар адам.
Сендей болса бар адам,
Шаттық кетпес баладан.-деп отыра.
Ендігі кезекті ұлдарымыздың биіне берейік.

Би: «Кір жуу».
Ән: «Анашым»

Жүргізуші:  Баланың да жүрегі,
Ананың да жүрегі.
Шаршамасын ешқашан,
Аналардың жүрегі.
Би: «Жігіттер».
Бүгінгі Аяулы аналар мерекесіне арналған «Аналарды сүйеміз»атты ертеңгілігіміз аяқталды. Келіп тамашалағандарыңыз көп рахмет. Мерекелеріңіз құтты болсын!!!



Пікірлер (0)

Пікір қалдырыңыз