Өлеңдер Бөлімі

Аустралия апаты

Тарқатып бүгін тартсаң да жіпті,
Өткенге өкпе айтып кел мейлі.
Ертеңге үміт артсаң да тіпті,
Апат дегенің айтып келмейді.


Өмірдің мынау шырғалаңында,
Шырмалып қалып, салмайық іздер.
Тағдырдың сынақ сырғанағында.
Тайып жығылып қалмайық біздер.

Төбесін көкке ілді деп шатыр,
Елемей көзге дұрысты бардың,
Тілсіз жау келіп тілгілеп жатыр,
Тынысын буып тыныстылардың.

Өмірін жалмап сар(ы)ала сүңгі,
Жануар, жәндік үлеске күшті,
Шарасыз қалған шарана сынды,
Қатал тағдырмен күреске түсті.

Самсып тұратын жағалай балғын,
Жердің бетіне қайтарып жүгін.
Жайқалған бірде көгорай шалғын,
Қып-қызыл шоққа айналған бүгін

Жан жағын түгел жайпайды бәрін,
Тәңірі оны шексіз еткенін.
Дүние тегіс байқайды (ы)лаңын.
Тентек жалынның тексіз кеткенін.

Көктегілер қашуға үріксе,
Жердегілер қабатқа кірген.
Қауымы жұрттың ашуға іліксе,
Ұшырап жатыр апатқа бірден.

Ғаламды мынау қаратқан дүзге,
Бас изеп мұны мақұлдағаным.
Ескертіп жатыр Жаратқан бізге,
Ақырзаманның жақындағанын.


Қарап көріңіз


Пікірлер (4)

Дастан

Апат дегенің жаман ғой, бірақ Австралияда өрт болмаса жаман дейді, бұрындары орманды өздері өртеген екен. Себебі кейбір ағаштардың гүлдеуі үшін немесе ашылуы үшін өрт керек дейді. Т.б да себептері бар екен.

arailyyym

Жарайды, ол бір себебі шығар. Бірақ жақында ғана сол өрттің салдарынан жарты миллиардқа жуық жануар жойылып, мыңдаған үйлер, 5 млн гектар жер өртенген. Өрттің себебі аптап ыстық, қатты құрғақшылық дейді сарапшылар. Бұған не дейсіз?!

Дастан

Адамдар өздері кінәлі рұқсат етілмеген, жыл сайын өрт шығатын жерге үйлерін салған. Австралия үшін өрт норма, жыл сайын өртеніп тұрады. Қанша гектар өртенсе де барлығы пайдалы, солай болуы керек дейді сол елдің тұрғындары. Әрине адамдардың, жануарлардың өлімі өкінішті... Ютубта "вам врут про пожары в австралии" деген видео бар сол жерде солай дейді. Бірақ дегенмен нақты не болып жатқанын құдай біледі...

arailyyym

Жалпы врут болса да, шындық болса да, апаттың аты апат! Бастарыңа келген қиыншылық қол екі істеріңнің нәтижесі дейді ғой. Әдейі істесін, істемесін әйтеуір қырылып жатыр. Бұл да Жаратқанның бұйрығымен болып жатыр. Себебі, мұның бәрі Тағдыр. Ал Тағдырды өзгерту Хақтың ғана қолында. Біздікі жай жырмен өрнектеу, оқырманға ой тастау...))

Пікір қалдырыңыз

×