Өлең, жыр, ақындар

Қан

  • 21.07.2020
  • 0
  • 0
  • 1117
Баяғыда, баяғыда…
Масқара,
Алматыда «Жалын» деген баспада;
Жұмекеннің қолжазбасын көрдім мен
Басу үшін дайындаған тасқа ана.

«Қыран қия» қағазбенен бір бума,
Қия шыңнан сәл қалыпты ырғуға.
Күзеп,
Түзеп,
Жамап,
Жалмап бір жебір,
Талаңдар, – деп тапсырыпты кіл қуға.

Мысық бопты жолбарыстай мықты жыр,
Мықты жырды мытушыңыз тіпті зіл.
Ұлық өлең түскен қағаз –
Ұқыпсыз
оқушының дәптеріндей қып-қызыл.

Қаны қатып қадымдағы қалпына,
Кеңес құрып, салды және талқыға.
Астын қазып әр сөзінің,
Тірелді
«Шаш» деген бір шағын сөздің нарқына.

Қан қайнады, жан жайрады.
Құп екен
дейтіндерге,– мін еместі мін етем.
Шаш деген ол мынау ғой, – деп,
Шыдамай
бір түп шашын жұлып алды Жұмекен.

Шиебөрідей табыстырған шалғай үн,
Талап жесе, тартынбауға жан дайын.
Қасбетінен қарғып шыққан қызыл қан
Қаққа бөлді қасіретті маңдайын.

Кетті шайыр…
Асуынан арды іздер
«Қыран қия» – қанаттыға жалғыз жол.
Қара өлеңге қанын берді ол.
Қарғам-ай,
Нені беріп ақынсимыз, ал, біздер?



Пікірлер (0)

Пікір қалдырыңыз

Ағалар

  • 0
  • 0

Алпыс асып кеткенмін қалай ғана,
Қарным аша қараймын шарайнаға.
Отыз толмай дертке өтті Сұлтанмахмұт,
Алпысты алмай морт кетті Абай дана.

Толық

Шыт көйлек

  • 0
  • 0

Ақын үшін өлең өзің, ән өзің,
Ақын үшін сұлулықтың пәні өзің.
Әсем екен үстіңдегі көйлегің,
Көйлегіңнен әсемдеусің және өзің.

Толық

Сияқтану

  • 0
  • 0

Басқалардан биік қойған мұратын
Секілденем бәрінен де ірі ақын.
Көкбұлақтың тапқан ең бір тұнығын,
Көк құрақтың тапқан ең бір шұратын.

Толық

Қарап көріңіз