Шымкент қысы жылы болуы себепті, көгал алаңдары гүлдеп жатыр

Биылғы қыстың аса жылы болуы Шымкент тұрғындарының таңданысын тудыруда. Жыл сайынғы қаңтар айында азынап тұратын ауа-райы, биыл адам танымастай өзгерген. Көгалдарда әртүрлі шөптер бой көтере бастапты.  Бұл құбылысқа тек қала қонақтары ғана емес, жергілікті тұрғындар да түсінбеушілік білдіруде.

15-18 градустық жылы  ауа галантус пен жабайы көк гүлдердің өсіп шығуына себеп болған. Әдетте, бұл гүлдер наурыз айында бой көтеруі тиіс болатын.

Жеке бақшасы бар тұрғындар үшін,  бұл құбылыс бау-бақшаға тек зиянын тигізеді,-дейді мамандар. Себебі, 28 қаңтардан бастап, Шымкент қаласында күн күрт суытып, 0 градусқа бірақ түседі. Синоптик мамандар алдағы күндерде, жаңбыр мен қар үздіксіз жауады,-деп отыр.

Әлеуметтік желілерде бөлісіңіз: