Елімізде 9-11 ақпан күндері 30 градусқа дейін суытады

9-11 ақпан күндері күн суытады, температура -30º дейiн төмендеуі мүмкін, деп хабарлайды Қазгидромет.

Демалыс күндердегі аномальді жылы ауа-райынан кейін, қыс өзінің кәдімгі күйіне қайтып оралмақ. Оңтүстік-батыс тропосфералық ағымдар солтүстікке ауысып, сонымен бiрге Қазақстанға арктикалық кеңдік ауасы суық фронттармен келеді.

Еліміздің солтүстік, орталық және шығыс облыстарында алдағы үш күнде қар жауады, көріну қашықтығы 500 м бұрқасын соғады, желдің жылдамдығы 15-25м/с-ге жетіп, түнгі температураның 23-30º төмендеуі күтіледі.

Оңтүстік және оңтүстік-шығыста жауын-шашын: жаңбыр арты қарға айналып, таулы аймақтарда қатты жауын-шашын болады, тұман, көктайғақ пен ауа-райының суытуы күтіледі.

Әлеуметтік желілерде бөлісіңіз: