Әріпті өрнектер. Бекіту

Оңтүстік Қазақстан облысы

Бәйдібек ауданы

С.Жиренов атындағы негізгі орта мектеп

Бастауыш сынып мұғалімі: Мусина Галима Әсеновна

 

Сабақтың мақсаты:

1. Білімділігі: Әріпті және санды өрнектерді ажыратуды қайталап, бекіту, амалдарды орындау, есептің шартын құрастыру, оқушылардың өз бетімен жұмыс істеу арқылы шығармашылық ойларын өсіру, қорытынды жасай білуге дағдыландыру.

2. Дамытушылық: Ойлау қабілеттерін дамыта отырып, математика біліктерін, ауызша және жазбаша есептеу дағдыларын дамыту, пәнге деген қызығушылықтарын арттыру, қиялдарын ұштап, білімін шыңдау.

3. Тәрбиелілігі: Алға қойған мақсатына жетуге, шапшаңдыққа өз беттерінен тапсырмаларды орындап, нәтижеге жетуге тәрбиелеу.

Түрі: Білімді жинақтау, қорытындылау.

Әдісі: Сын тұлғасынан ойлауды дамыту.

Көрнекілігі: суреттер, плакаттар, бүктеме, карточкалар

Пәнаралық байланыс: Ана тілі

Сабақтың барысы:

І. Ұйымдастыру кезеңі:  

- Сендер сабаққа қандай мақсат, міндет қойып отырсыңдар?

- Мақсатымыз білім алу, міндетіміз еңбектену, беске қолға жеткізу.

ІІ. Үй тапсырмасын тексеру.

- Үйге не берілд?

- Теңдік, теңсіздік. Амалдарды салыстыру.

5см + 2см * 7 см           4см + 3см * 9см            8см – 5см * 2см

4 + 6 *  6 + 4                7 – 2 * 9 – 3                           5 + 3 * 5 + 4

 

Ойын «Аққала»

Математикалық диктант:

2+5=7                  10-3=7                 а+2             5-4=1

3+5=8                  4-2=2                   в-7              6+2=8

5+3=8                  7-1=6                   с+а             9-6=3

- Өрнек қандай топтарға бөлінеді? «санды, әріпті»

- Ал біз өткен сабақта қандай өрнекпен таныстық? «әріпті өрнек»

- «Бекіту»

- Бізде бүгін бекітусабағы, әріпті өрнектер тақырыбын бекітеміз

- Санды өрнектер олар неден құралады? «сандардан»

- Әріпті өрнектер ше? «әріптерден немесе әріп санмен».

Тапсырма: Астында өрнектерді мына екі бағанға бөлу керек. Санды өрнектерді сандыға, әріпті өрнекті әріптіге орналастырыңдар.

Бекіту үшін бтапсырмалар орындаймыз (слайд)

Оқулықпен жұмыс: №2 тапсырма. 43 бет. Дәптерге жазу.

Әріпті өрнектің мәнін тап

а+5             а=4. 5. 0.

в-3              в=9. 7. 10.

Сергіту сәті:

Орманда жоғары,

Ағашқа қонады,

Тұмсығымен балта етіп,

Тоқ тоқ соғады.

 

Логикалық тапсырмалар:

Толқын Айгүлден үлкен, ал Айгүл саниядан кіші емес. Кім ең үлкен? Кім ең кіші? (үлкен Айгүл, ең кішісі Сания)

 

№3 тапсырма. Есептің шешуін жаз. Әріптің орнына сан ойлап, олардың мәнін тап.

а) Есебін оқу,

алма ағашы-5

Алмұрт ағашы –с (4)

Барлығы?

5+с,   5+4=9

Жауабы: 9 ағаш

ә) Болды –в (10)

Кетті -4

Қалды-?

В-4,   10-4=6

Тақтада тапсырма:

Есептемей салыстыр. Қалай салыстырғаныңды түсіндір:

4+в * 5+в                      7+с * 7-с              8-а * 8+а

в-2 * в-3                        а+с * с+а             в+5 * в-5

Дәптермен жұмыс: 44 бет «геометриялық фигуралар» тапсырма.

1. Фигураларды атау.
2. Боялған фигураларды атау.
3. Түсіндіру (қалай бояу)

ІҮ.Қорытындылау:

• Бүгінгі сабақ сендерге ұнады ма?
• Қай тапсырма сендерге қиындық туғызды?
• Қай тапсырма оңай, қызықты болды?

Тақтадағы слайдқа назар аудару.

Үй тапсырмасы:

№3 Есеп «б»

б) Қызыл түспен – с(3)

Жасыл түспен – в (7)

Барлығы?

С+в,           3+7=10

Жауабы: 10 орындық.

 

Бағалау

---