Өлең, жыр, ақындар

Әжемнің зиратында

  • 14.06.2019
  • 0
  • 0
  • 7705
Тумай жатып мен қанша аза көрдім,
Тармағымын шумағы аз өлеңнің ...
Ақ әжеме орнатқан мынау күмбез —
Кимешегі тәрізді ақ әжемнің.
Шыққан тұңғыш әйелден пайғамбардай
Әжем ғой бұл! —
Ажалға қайран қандай?!
Бейне ағзоннан тіктірген кимешегі
Тоза - тоза ақ тасқа айналғандай.
Үлестіріп тірліктің бар жыртысын,
Баққа жорып көретін әрбір түсін;
Батты терең ...
Кіршіксіз кимешектің
Жазғым келіп кетеді әр қыртысын.
Тас моланы құшақтап сүймес едім,
Келсем болды-ақ тосын бір күй кешемін. —
Әжем шыға келердей жер астынан,
Басындағы шешіп ап кимешегін ...

28.05.1983 ж.



Пікірлер (0)

Пікір қалдырыңыз

Бауыржанмен бақұлдасу

  • 0
  • 0

...Ай-ірімшік тістеген қарға түн-ді...
Жұлдыз-көзді түлкі әлем — салдақы үнді,
Қыңсылап ап сәл ғана ол да тынды...
Дүрліктірмей Жамбылың, Алматыңды,

Толық

Ағаға жазған хаттардан

  • 0
  • 0

Қара Ертіс қара өлеңнің арнасындай,
Шыңғыстау — поэзия Парнасындай.
Пірлі Абай мөр ғып өзі басып кеткен —
Судағы Ай Пегасыңның таңбасындай.

Толық

Бей-тағдыр

  • 0
  • 0

Сен өлесің...
Жарың жастай қалады.
Сезім-ине жазар тігіп жараны.
Бір қара құс —

Толық