Насихат қазақия – Светқали Нұржан

Бұл бетте «Насихат қазақия» атты Светқали Нұржан жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 16.06.2019
  • 0
  • 0
  • 2502
Поэты — все единой крови.
С.Есенин

Шын шайырда ру жоқ — ұлт болады,
Рушылдың шатпағы — қыртқа дәрі...
Жерде жүрген бауырды бөле алмас ең,
Көтере алсаң тауыңды бұлттан әрі.
Хас ақында жүз емес — ел болады,
Жыры — жауға сілтейтін ер жарағы...
Жетегінде ит болып ұлып өлмек,
Үй ішінен үй тіккен кембағалы.
Нәрем алған жас-тілек, бата-кәрі,
Ақын сөзі: ел — зары, отан — ары.
Бар ақынды жалғайды Жалғыз Тамыр,
Аққан қаны "Өлең" деп аталады.
Кұмнан өнген сөзде, рас, бай — мағына,
Қақырамас қай дауыл, қай дауыңа.
Титтей — туған ауылын жүреді олар,
Адамзаттың қондырып Жайлауына...
Топастықтың түксиген тас қамалы,
Тағы да тұр тапап бір тастағалы.
...Ақындарды Аллаға апарар жол,
Жүрегінен ұлтыңның басталады!..
Мүміндерге нұр төкпей пайғамбарша,
Кір шашасың жолына қайран қанша?!
Елін тұтас сүйеді шын ақындар,
Сүйе, сүйе Аллаға айналғанша!.. 


Пікірлер (0)

Пікір қалдырыңыз

Жиі қойылатын сұрақтар

Насихат қазақия өлеңінің авторы кім?

Светқали Нұржан — осы өлеңнің авторы.

Насихат қазақия өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Насихат қазақия өлеңі не туралы?

Бұл өлеңде Светқали Нұржан өз ойы мен сезімін көркем түрде жеткізеді.

Насихат қазақия өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері