Ғашықпын, ару дүние – Абдрахман Асылбек

Әнін жазған Әсет Бейсеуов

Ғашықпын мен, дүние, сенесің бе?
Сенесің бе, еркіндік бересің бе?
Тербетіліп келемін, мен жетіліп,
Махаббаттың мәңгілік кемесінде.

Қайырмасы:
Ғашықпын мен, дүние, желіңе де,
Мөлдіреген айдынды көліңе де.
Сөзбен айтып жеткізу мүмкін емсс,
Соншалықты сүйемін сені неге.

Ойланбайтын ойсыз бір пендемін бе?
Қысқа ғана тіршілік бергенің не?
Ұлың болып, өлмейтін жырың болып,
Мен өзіңе біржола келмедім бе?

Қайырмасы.

Толқып жатқан тынымсыз өмір-арна,
Арман болып ағады көңіл алға.
Ару дүние, ғашықпын, жарық дүние,
Саған деген сезімнің шегі бар ма?

Қайырмасы.