Өлең, жыр, ақындар

Ақын – елдің еркесі

  • 06.08.2019
  • 0
  • 0
  • 1631
Ақын – елдің еркесі,
Ақын – төлдің серкесі.
Қайда барса, ақынды
Қарсы алады өлкесі.
Ақындарды кемсітіп,
Бейшара жан көрмеші.
Қанша мықты болсаң да,
Салқын сәлем бермеші.
Ақындардың көңілі –
Домбыраның пернесі.
Баса білсең дәл тауып,
Айқындалар зердесі.
Кім бар екен өмірде
Ақындардың теңдесі?
Керек емес ақынға
Дүние-мүлік, теңгесі.
Өле қалсаң, бәрі де
Бос қалады ертесі.
Ақындардың көңілі –
Домбыраның пернесі.
Баса білсең дәл тауып,
Айтар ойы көл-көсір.
Ардақтаған ақынын
Алға тартқан ел көші.
Ақындардың қашанда
Кең көсілген көрпесі.
Ақындарды өлсе де,
Аялаған жер төсі.
Бәрін айт та, бірін айт.
Ақын – Алла пендесі.



Пікірлер (0)

Пікір қалдырыңыз

Сырапшыл мен қарлығаш

  • 0
  • 0

Алаңғасар бір жігіт
Мол мұрамен көрмей ешбір қайғы-мұң,
Ысырапсыз төгіп-ашып байлығын,
Барлық мүлкін тындырып,

Толық

Осындайлар қиын-ды

  • 0
  • 0

Үй туралы баяндама оқылды,
Бас кезінде біраз адам отырды.
Деді лектор жалындап:
– Алда талай тамаша үйлер салынбақ.

Толық

Он шыбын

  • 0
  • 0

Ойнақтаған он шыбын,
Қарсы алдыма қон, шыбын.
Қағып алсын табанда
Сайтаныңды торсылым.

Толық

Қарап көріңіз