Өлең, жыр, ақындар

Жазға салым жер жіпсіп бу шығады

  • 27.08.2020
  • 0
  • 0
  • 1728
Жазға салым жер жіпсіп бу шығады,
Жауыр қырға жауқазын гүл шығады.
Ала баспақ албарда оқыра боп,
Тай-жабағы тебіндеп ту шығады.
Таң алдында тобарсып қара қатқақ,
Томырық жел тоқтады қанағаттап.
Боз тушаны бәйек боп күйттейді апам,
Ерте қашқан жануар дара лақтап.
Екі лақты боз туша жарыта алмай,
Ашқарақтар емеді жағы талмай.
Солқылдатып сорғанда сорлы ананың
Емшегінен қалай жүр қаны тамбай?
Дәрмені аздау ананың дәті қандай,
Емізеді аянып, жатып алмай.
Ана байғұс оттап ап жарытпай жүр,
Бала байғұс ашқарақ отыға алмай.
Арық туша аяғын шаққа алып жүр,
Сарқыт қалмай сауыры қақталып жүр.
Ананы ана аяйтын әдет қайда?
Апам бір күн саууға оқталып жүр.



Пікірлер (0)

Пікір қалдырыңыз

Адалдық пен арбау

  • 0
  • 0

– Махаббат суый ма екен?
– Суыйды екен,
Зардабы да зарығып сүюге тең.
Қайғысы да жүйкеңді жеген құрттай,

Толық

Ән естілді, қоңыр кеш

  • 0
  • 0

Ән естілді, қоңыр кеш
Қырды қымтап алған шақ.
Кейде адамда көңіл хош,
Өткен жайды толғансақ.

Толық

Бір көкек биыл сұңқылдап көктем шықпастан

  • 0
  • 0

Бір көкек биыл сұңқылдап көктем шықпастан,
Зарыға жүріп, сыңарын тауып жұптасқан.
Екеуі сосын көрінбей кеткен біраз күн
Ұядан шықпай үпілдірік пен мүк басқан.

Толық