Өлең, жыр, ақындар

Адал әйел – ақ періште...Барлық еркек арманда

  • 02.09.2020
  • 0
  • 0
  • 1875
Адал әйел – ақ періште...Барлық еркек арманда,
Кездесетін пәк пейіште, о дүниеге барғанда.
Армандайды бірақ бекер арман емес дүниені,
Махаббатқа бас тікпейтін әйел бар ма жалғанда?
Махаббатқа басын тіксе, барлық әйел періште,
Махаббатқа жасын төксе – адалдығы, теріс пе?!
Бас тіккен жан, жас төккен жан әміріне жүректің,
Ол жүрегін сала алмайды одан кейін бөліске.
Бір-ақ Өмір, бір-ақ Тағдыр, бір-ақ Уақыт, бір-ақ Дәм,
Болашағы болжаусыз ғой, болжамына сұрақ тән.
Қаталдығын суырады қатігез бір қынаптан,
Адал әйел айрылады пейіштен де, жұмақтан.
Кім кінәлі, кім кінәлі, кім күнәһар, кім, кім, кім?
Адам, сенің өзіңде ғой күллі еркің, күллі ырқың.
Бір жасыннан бір жазымды тастай салар тосыннан,
Бір басыңнан айналатын тағдыр деген бір бұлтың...



Пікірлер (0)

Пікір қалдырыңыз

Қырық бірінші жылғы келіншек немесе жазушы Шерхан Мұртазаевқа сыр

  • 0
  • 0

Сол келіншек сенің жеңгең, менің шешем еді ғой,
Сенің барың, менің барым көңіліне сеп еді ғой.
Сен аяушы ең, мен аяушы ем, ол аяйтын біздерді,
Бұл сезімді кеудемізден өмір көсеп еді ғой.

Толық

Былтырғы ағаш қайтадан биыл көгерді

  • 0
  • 0

Былтырғы ағаш қайтадан биыл көгерді,
Жапырағы көктеп, бұтағы түгел теңелді.
Айналасында көбелек қаптай жөнелді,
Жаратылыс-ай, көрмедім сендей шеберді?!

Толық

Тепе-теңдік

  • 0
  • 0

Денеме тарап деміммен жұтқан ауасы,
Туған жер, сенен жаралдым білем, шамасы.
Мен ғана емес, туған жер, сенің перзентің
Адамзат барда адамның бүкіл баласы.

Толық

Қарап көріңіз