***

Түбір тегің болса-дағы марқа кіл
Сеніміңді сезіміңе арта тұр
Адам болып қалу үшін адамға
Жеткілікті жарты ақыл

Адамдықтың арттыруға өсімін
Сеп болмайды санадағы еш ұғым
Кей кездері кездейсоқтау болса да
Жасау керек кешірім

Қаралы ойға қара қадақ құлып сап
Жұмыр етті жылы сөзбен жылытсақ...
Өкпелі іске ара- тұра болса да
Болу керек ұмытшақ

Тәңірімнен төгіледі тең ырыс
Уақытында жасай білсек шегініс
Көргенсіздік көре тұра кек тұтпау-
Кісілік пен Ең ұлы іс