Газеттің досы — тілшілер

Кедейдің соғып сойылын,
Кедейдің тілеп тойымын,
Ойлайтын қамын тереңнен,
Газеттің досы — тілшілер.
Ұямен6 қол ұстасып,
Кедейдің көшін бастасып,
Байсалды жерге жөнелген
Газеттің досы — тілшілер.
Бұзықтармен күресіп,
Талайын түйреп түгесіп,
Қауіптен қорықпай түнерген
Газеттің досы — тілшілер.
Шаруаға кез болып,
Қисық іске тез болып,
Игілікке бастайтын —
Газеттің досы — тілшілер.
Бітірер ісі өнімді.
Еңбекке жегіп өмірді,
Еңбектен тайып қашпайтын
Газеттің досы — тілшілер.

1926

---