Өлең, жыр, ақындар

Күннен күшті большевик

  • 12.08.2021
  • 0
  • 0
  • 682
Күштісі күштілердің күшті алтын күн,
Жыл бойы: нелер миллиард, миллион, мық,
Ұршықтай айналдырып бар әлемді
Келеді бар дүниеде оған тең кім?
Сонымен жарысуға большевик біз,
Дәл биылдан ілгері он жеті күз,
Бел байлап, социалды шарт жасадық,
Біздің ұшқыр күніміз — партиямыз.
Тексеріп, қорытқанда, биыл шартты,
Қайраты большевиктің, күннен де артты.
Немене артқаны емей, күн қай кезде
Жоспардан артық күшпен жүгін тартты?
Жер қашан, 360 күннен бұрын,
Асыра орындады жоспар жылын?
Әлемде большевик-ақ, бесті төртте
Бітірген, қиындықты көрмей жұғын.
Адам түгіл, әлемнен түгел озып,
Озған сайын жалындай қайрат қозып,
Бәйгені күшті күннен біз әкеттік
Қолымызды жер түгіл күнге созып!

1934



Пікірлер (0)

Пікір қалдырыңыз

Сағалбай Жанбаевқа

  • 0
  • 0

Қазақша — қаңтар, римше — январьда,
Сібірде, қақап тұрған қыс — ызғарда,
Келіпсің дүниеге, Россия
Ортасы жатқан кезде батып қанға.

Толық

Балқаштың түні

  • 0
  • 0

Түн. Кең дала қалғыған секілденіп
Үнсіз тұр. Аспанда жоқ шөкім бұлт.
Сәулесі жұлдыздардың шабақтардай,
Бір сүңгіп, бір малтиды суда тұнық.

Толық

Біздің күш

  • 0
  • 0

... Тыңдадым партияның үндеу сөзін,
Шымырлап бойды билеп толқын сезім.
Қайрат, намыс, кек, ыза араласып
Отырдым зорға ұстап бойымды өзім,

Толық

Қарап көріңіз