Түн түсінер ай мұңын – Қанипа Бұғыбаева

Бұл бетте «Түн түсінер ай мұңын» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 06.11.2021
  • 0
  • 0
  • 567
Түн түсінер ай мұңын,
Кім түсінер қайғы үнін?
Көзқарас пен кешегі
Сезімімнен айныдым...
Берген сезім байлығын,
Сүйгенімнем айныдым.
Айныдым көп нәрседен,
Айтам оның қайбірін?..
Айниды екен көз көріп,
Айниды екем сөзге еріп.
Мезгілменен қарайды
Жапырақтар өзгеріп.
Түрлі талғам, түрлі ұғым,
Талас-тартыс тірлігім.
Дос дегенім кешегі
Жауым болып жүр бүгін...
Мінезі бар әр айдың,
Мінезі бар арайдың.
«Сөзі жылмаң» кісіге
Күмәнменен қараймын...
Ойларды ой жығады,
Кімдер қалай ұғады?
Ақ дегенім кешегі
Қара болып шығады...
Айнып кетті көп ғашық,
Сырын айтпай бетке ашық.
Сезімге еріп мен ылғи,
Өкінемін от басып...
Бақыт әрі қайғыдай,
Байлап қойды қай «құдай?»
Поэзия! Тек сенен
Келем әлі айнымай...


Пікірлер (0)

Пікір қалдырыңыз

Жиі қойылатын сұрақтар

Түн түсінер ай мұңын өлеңінің авторы кім?

Қанипа Бұғыбаева — осы өлеңнің авторы.

Түн түсінер ай мұңын өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Түн түсінер ай мұңын өлеңі не туралы?

Бұл өлеңде Қанипа Бұғыбаева өз ойы мен сезімін көркем түрде жеткізеді.

Түн түсінер ай мұңын өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері