Өлең, жыр, ақындар

Көзге елестеп жұмбақ өмір алдағы

  • 07.11.2021
  • 0
  • 0
  • 673
Көзге елестеп жұмбақ өмір алдағы,
Әнім менің кешке ұласты таңдағы.
Кейде ауыр күрсінемін, иығыма –
Түскендей боп аспан мен жер салмағы.
Сыртқа шыққан сыр жоғалтар бар мәнін,
(Өз мұңымды айтып келмес зарлағым)
Ұшсам деймін күнге қарап көтеріп,
Жердегі бар адамзаттың арманын.
Өмір кешем, іштей толқып, күйінем,
Есімде жоқ кімді кеше сүйіп ем.
Уақыт желі санаспайтын сияқты
Дірілдеген жалғыз жапырақ күйімен.
Шын сұлулық көздерімді арбасын,
Болады бір адамдағы арға сын.
Дүниенің қасіретін ауырлап,
Шар болаттай шарт сынар ма, шар басым.
Табынбаймын жылуы жоқ сөзге асыл,
Өзіме жүк боп барады өз басым.
Аспанымның басып тұрар қабағын,
Көкірегімнен төгілмеген көз жасым...



Пікірлер (0)

Пікір қалдырыңыз

Мекендеп шынар шың басын

  • 0
  • 0

Мекендеп шынар шың басын,
Үзгендей жапырақ сырғасын.
Білмеппін мынау өмірдің
Жаз болып мәңгі тұрмасын.

Толық

Шыққан күнім тұңғиыққа батып көп

  • 0
  • 0

Шыққан күнім тұңғиыққа батып көп
Өтпесінші, үнсіз сырғып уақыт тек.
Ей, адамдар!
қайырлы таңда, қайыр ғып,

Толық

Санамаймын жүрегімнің соққанын

  • 0
  • 0

Санамаймын жүрегімнің соққанын,
Шамалаймын, тіршіліктің жоқ, барын.
Қыранға ұя көргем шыңның басынан,
Қыбырлаған құмырсқалар соқпағын.

Толық