Өлең, жыр, ақындар

Ұятты беттен лақтырып

  • 07.11.2021
  • 0
  • 0
  • 473
Ұятты беттен лақтырып,
Көруге бәрін көнген көз.
Астына сәтте-ақ ат мініп,
Ақылды айғай жеңген кез...
«Аярға» жұмақ бұл жалған,
Тамұққа түсіп тас тұлға.
Үгіліп таулар құм болған,
Уақыттың аяғы астында.
Өсек ит, әне, қалды үріп,
Қойған соң бермей өткел көз.
Бағытсыз оқтай қаңғырып,
Күйкіге күйіп кеткен сөз.
Тұншығып от та өшеді,
Алғанға ер де, бергенге ез.
Бәріне мұның кешегі,
Куәгер болар көрген көз...



Пікірлер (0)

Пікір қалдырыңыз

Жар басында

  • 0
  • 0

Тәкаппарсың, сұстанып, керіп қабақ,
Толқын шашын табаны өріп, тарап.
Жар тұратын, жалықпай жүзін көріп,
Төбесінен өзеннің төніп қарап.

Толық

Сағыныш

  • 0
  • 0

Туған жер, көрікті жер, ата мекен,
Нұр таңың қалай менсіз атады екен.
Өзіңді шын жүрекпен, қайда жүрсем,
Аяулы Ақсуым деп атап өтем.

Толық

Тыныштық – тынысым

  • 0
  • 0

Планета тынысы –
менің тынысым,
сенің тынысың.
Хабарсыз отырсам кетеді тынышым.

Толық