Өлең, жыр, ақындар

Амазондықтар шеруі – аманат

  • 31.12.2021
  • 0
  • 0
  • 564
Орман жатыр оталып, алаңқайлар кеңейіп,
Табиғатты санайтын «жоқтаушысыз өгей ұл»,
Мұң-мұқтажы бітпейтін тойымсыз көз,
ұры - аты,
Адам қолы кеседі жасыл өмір-орманды
Бөрене ғып құлатып!
Жатыр дейді адамзат, амазондық ағашты
мұқтаж болып сұратып...
Қажеттілік қойсын ба,
Жайратады, я, пірім-ау, қара орманды сұлатып...
Шерулеп ел келеді, төбесінен күн шағып,
Табиғатқа тамсанған келімсекке мұң шағып.
Әлем кезген жиһангер, таза білем ниетің,
Жеткіз дейді көп жұртқа, тілін өзің білетін,
Жалғыз мұң бар біздерде – арашашы іздеуге
Шаруа көп, сытылып шығу қиын біздерге...
Жалғыз мұң бар дедік қой, бала өсіріп отыр ек,
Жасыл орман болмаса, тұқым құрыр, сетінеп...
Жүрген жерде осыған сауға тілеп жүргейсің,
Аз күн дәмдес болып ек... ескергейсің соны тек.
Қоштасарда қимады, тілектес жатжерлікті,
Аманаттап мұқият, ерге сенді ел мықты.
Күтер, сөзсіз ... күтеді,
Айтары анық, жеткізе,
Аманатты тыңдайтын
Құлақ қалсын деп тіле!!!



Пікірлер (0)

Пікір қалдырыңыз

Бәрінен де... соны айтшы!

  • 0
  • 0

Шуақты айтшы, бәрінен, шуақты айтшы,
Сол шуақтан тараған қуатты айтшы,
Көңіл-дария – шалқарға құятұғын
Бастау алған пейілден бұлақты айтшы.

Толық

Әсерлер әсер ете алмай

  • 0
  • 0

Әсерлер әсер ете алмай,
Сүлесоқ жүрмін, сүлесоқ,
Жазғырғың келсе, өзің біл,
Жазықты десең, дүре соқ!

Толық

Аршыл деймін, патша көңілім

  • 0
  • 0

Аршыл деймін, патша көңілім,
Көңіл кірі не берер!
Аршыл сен де қос жанарым,
Шел қаптаған не берер,

Толық

Қарап көріңіз