Өлең, жыр, ақындар

Ол – сондай күй

  • 15.01.2022
  • 0
  • 0
  • 279
Рухтың жайын ол айтар – егілесің ал келіп
Жаның толқып жатады, ел түсінбес халге еніп.
Мұң шанақтан шығады үкі таққан – сәнденіп
Ол – сондай күй!

Шертпе күйдің шерінде – ғасыр даусы зор екен,
Сазын ұрлап тыңдаған – тентек, ерке жел екен!
Мұң сімірген – ол әуен – теңіз мінез сел екен,
Ол – сондай күй!

Оны жазған жандардың жаны көкке ауған ғой,
Тылсымдағы саусағы – аспан төсін сауған ғой!

Күміс алқа дыбыстар – хал тілінде жауған ғой
Ол – сондай күй!

Жанның жырын айтады – біз секілді сөйлемей,
Көкке барып қайтады, сезім жүрек ой көмей.
Пора-пора жыртылған дәруіштік жейдедей,
Ол – сондай күй!

Оны тыңдап – лағады, Абыз жаның далаға,
Мұз-кеудені шағады, үні отқа тола ма?
Жанып кетем демесең, қос ішекке жолама
Ол – сондай күй!



Пікірлер (0)

Пікір қалдырыңыз

Аспан жерге моншағын

  • 0
  • 0

Самалдың саусақтары – ауада жыр жазып жүр,
Ей, ақын, қиялдан түс, болдың ба, мұң қазып бір!
Алтын ғасырында – сөздерің тыңдалып тұр,
Аспан жерге моншағын төгіп алды!

Толық

Яссауи жыры

  • 0
  • 0

Сырнай үрдім, жырмен, гүл қаптап кетті, айнала,
Дүбірлер, бүгін, той-дала!
Ғашықтығымен жүрек бұршағын ағызған,
Яссауи жыры – қайда да!

Толық

Ей, қазағым, көзіңді аш

  • 0
  • 0

Пәк жүректер мұхиты – толқынданып барады,
Дүниеге қыс түсіп, салқын болып барады.
Тажал – сұмның қолында халқым қалып барады,
Ей, қазағым, көзіңді аш!

Толық

Қарап көріңіз