Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Жер – Анамын! сөз алам да бүгін мен

Шөмішбай Сариев

Жер – Анамын! сөз алам да бүгін мен

  • 01.04.2022
  • 0
  • 0
  • 1198
Жер – Анамын! сөз алам да бүгін мен.
Ақ сүтіңдей ананың, құдіретті тіліңмен,
Қара қылды қақ жарып,
Жарыламын ағынан:
Ұлыларды пір тұтып,
Ұлылардың ұлысы –
Мен Адамға табынам!
Өйткені Адам – ұлы тау, таулардан жерде
кім биік?!
Ойлары шалқар мұхиттай, мұхиттай ойы
тұңғиық.
Жоғарырақ бәрінен
Ұлылығы ендігі:
Бүкіл әлем халқы үшін,
Даламдай дарқан кеңдігі!
Тау – еңселі данышпан, Дала – дарқан
ғұлама,
Мұхит десең тұңғиық ойлар көзде тұна ма?
Қастерлеймін мен сені,
Мәңгі – бақи өлең қып:
Ұлылықтың өлшемі –
Биіктік!
Кеңдік!
Тереңдік!

Шөмішбай Сариев жер – анамын! сөз алам да бүгін мен Шөмішбай Сариев өлеңдері

Пікірлер (0)

Пікір қалдырыңыз

Өміріңе өкпе артпа

  • 0
  • 0

Көк аспан құсы самғар көңіл деген,
Сөйлеме бойыңнан да төменірек.
Өмірге тақпа кінә, Өмір деген —
Сен ойлар ойлардан да тереңірек!

Толық

Ғашық жар

  • 0
  • 0

Қыран шыңнан басқа жерге қонбайды,
Адам болсаң тағдыр өзі қолдайды.
«Қыз күнінде бәрі жақсы...» дегенмен,
Тәңір сүйсе, жаман әйел болмайды.

Толық

Ең үлкен сенсің, ең жақсы...

  • 0
  • 0

Баулысаң баулы қызынды,
Баулысаң баулы ұлыңды,
Ең үлкен күнә — қорқыныш,
Ең жақсы күн — БҮГІНГІ!

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер