Өлең, жыр, ақындар

Тәуелсіздік — арманы бар қазақтың

  • 07.06.2022
  • 0
  • 0
  • 846
Суарылған аталар арманына,
Сан ғасырдың жаншылған салмағына —
Өліп-өшіп, қартайып, қайта туып,
Тәуелсіздік оралды ел маңына.
Не зұлматқа аталар төзе білді,
(О, Жаратқан! Бердің бе кезек енді!).
Ержеткізші, қарындас аялашы,
Бүгін туған өбектеп, бөбегіңді.
Ол — арманның үлкені, "кәрі кісі",
Тек Алладан басқаның бәрі кіші.
Атаң осы, сәлем бер басыңды иіп,
Сәл кенжелеу туғаны — тәңір ісі.
Ол — арманы бар қазақ ары бүтін,
Ол — мақсаты, жаңғылы, жарығы түн.
Азап ұмыт, ол жолда өлген шейіт,
Артады елің тек саған бар үмітін.
Еңбек етші, жолына — Тәуелсіздік!
Байлық жина, жолына — Тәуелсіздік!
Бірақ, бәрі босына — ең алдымен,
Рухыңды алмасаң — тәуелсіз ғып!

28.02.1993 ж.



Пікірлер (0)

Пікір қалдырыңыз

Алма бағы

  • 0
  • 0

Қол тимеді, келе алмадым бұл күзде,
Көне тартып қалыпты ғой жол сізге.
Жалаң ағаш, тылсым төбе үн-түнсіз,
Әлде қыста бұ соғуым жөнсіз бе?

Толық

Ұйқысыз түн

  • 0
  • 0

Кілт өзгеріп, күн бата, жаратылыс,
Тапқандай ма, аз дамыл, дала тыныш.
(Табиғаттан тыс туған құбылыстай,
Бұ не ғажап, алмайды қала тыныс).

Толық

Күн еңкейсе, көлеңке ұзарады

  • 0
  • 0

Күн еңкейсе, көлеңке ұзарады,
Ел азарда кәрі шал қыз алады.
Заман азса, қылыштай хан бұйрығын
Даңғазаның жел сөзі бұза алады.

Толық

Қарап көріңіз