Ленин шамы

Көңілді шадыман топқа шаршыдағы,
Кеудемнен неше алуан ән шығады.
Жарқ етіп атқан таңдай ауылымда
Жайнады ұлы Ленин шам-шырағы.
Ұшқындай шақпақ тасты шағып алған
Білтелі шам жоқ ескі сығырайған,
Алғандай алтын айды алақанға,—
Әр үйде ұлы Ленин шамы жанған.
Қуатын асау өзен арқыраған
Бұрқанған қайратымен халқым алған.
Колхозда коммунизм жұлдызындай
Лениннің шам-шырағы жарқыраған.

1949

---