Өлең, жыр, ақындар

Туған елім – тоғайым

  • 06.01.2023
  • 0
  • 0
  • 464
Беу, жас ағаш,
Балғын өмір балапан,
Тұр ма сүйіп еркелетіп құба таң?
Сенің нәзік жапырағыңды қолаң шаш,
Тарап жатқан ақ самалды ұнатам.
Балғын, нәзік сымбатыңа сүйсінем.
Көкірегі күмбірлеген күйші ме ең?
Өміршең бір әуез төгіп шулаған,
Жапырағыңнан әлдебір сыр түйсінем.
Өзегіңе жер анамыз нәр беріп,
Өн бойыңа саулап көктен нұр келіп,
Жайқалып та, жасанып та өсерсің,
Тіршіліктің бояуымен түрленіп.
Жаз аптабы, қыс қаңтары ала алмас,
Жүрегіңе жасын жара сала алмас.
Саған келіп қиянатшыл әлдекім
Жас тәңіне қадамайды ақ алмас.
Ен тоғайдың ортасында тұрағың,
Тоғай сенің туған елің, шырағым.
Орман – сенің атамекен Отаның,
Сөндірмес ол бақытыңның шырағын.
Орманыма – Отаныма сүйенген,
Өзің тектес көкөрімтал ұл ем мен.
Көк тоғайың аман болсын деп тіле,
Туған елдің туын ұстап жүрем мен.



Пікірлер (0)

Пікір қалдырыңыз

Қасиет қазығы

  • 0
  • 0

Қасиетті зәузаты Қанай шалдың,
Қанайы деп бүгіннің сені айтармын.
Тоқпақ жалды тұлпарды, уа, дүния,
Тоқсан бестің торына қамай салдың!

Толық

Бақтиярым, бауырым!..

  • 0
  • 0

Боз жорғадай тайпалды,
Боз жусандай шайқалды.
Ердің сойы болғасын
Ел намысын қайтарды.

Толық

Көкше десем...

  • 0
  • 0

Көкше десем —
Түседi еске көктемiм.
Көкше десем –
Мейiрленер көкте Күн.

Толық

Қарап көріңіз