Өлең, жыр, ақындар

Сол сүйікті Киевте

  • admin
  • 31.07.2024
  • 0
  • 0
  • 364
(Украин ақыны Микола Нагнибедаға.)

Сол сүйікті Киевте достарым бар,
Үндесетін менімен көктем күнде,
Сол сүйікті Киевте достарым бар,
Днепрден дүбірлеп өткен бірге.
Достық даусын
әкелдім Ертісіме,
Толқын үндер тоғысқан Днепрден,
Сол сипат бар достардың өр түсінде,
Менің шалқар қырымда дән өсірген.
Достарым бар Украина байтағында,
Есіркейтін менің де жыр-нәшімді,
Өлеңіммен мың сәлем айтамын да,
Кең дүзіме шақырам сырласымды.
Қырларыма шырынды мәуе бітіп,
Сусындатты достықтың бұлақтары.
Жыр шырқайық, кел досым, әуелетіп,
Бұлбұлдардай үн қосқан гүл бақтағы.



Пікірлер (0)

Пікір қалдырыңыз

Күлімдейді Рақым шал

  • 0
  • 0

Көк майсаның аңқиды қалай исі? —
Кенеле бір иіскеп қалайыншы.
Аунайыншы кілемдей көгалыма,
Қазотысын кеудеме қадайыншы.

Толық

Комбайншы Прокофий Нектов

  • 0
  • 0

Көтерілмес
Арыстан да қансырап,
Құласа бір екі аяқтан айрылып.
Мертіккенде,

Толық

Ұстаз іздерінде

  • 0
  • 0

Ұстаз іздерінде. Қалижан Бекхожин
(Кемеңгер аға Мұхтар Әуезовке)
Күн сайын кәнік едік біз лебіне,
Дәрісті тыңдап өстік түз белінде,

Толық