Өлең, жыр, ақындар

Құстар – достар

  • admin
  • 12.09.2024
  • 0
  • 0
  • 366
Орманға біз келіп енгенде,
Көре сап іздерді алыстан.
«Шық! Шық! Шық! Шық! Шық!», – деп сендерге
«Дұшпан!» – деп, ескертті сауысқан.
Құс достар!
Сауысқан жаңылды.
Сауысқан сөзіне ермеңдер!
Біз құрмет тұтамыз бәріңді,
Ешқашан бізді жау көрмеңдер!
Жаз бойы жұмысқа жегіліп,
Жүрдіңдер бір тынбай құрт қағып.
Зиянкеш жаулардан
Егінді,
Орманды қалдыңдар құтқарып.
Жатқанда жер бетін қар басып,
Құс достар қалмасын қиналып.
Жүрмесін жем таппай, қарны ашып, –
Деп жедел жеттік біз жиналып.
Сескенбей айнала қоныңдар,
Міне – жем,
Шашамыз,
Теріңдер!
Ашықпай, аман-сау болыңдар,
Жайқалсын ормандар, егіндер.



Пікірлер (0)

Пікір қалдырыңыз

Ренжиді

  • 0
  • 0

Ренжиді - Сұлтан Қалиев
Ерте тұрып Шекербек,
Төрт тауығын ұстады.
Қамап, қашып кетер, – деп,

Толық

Әй, жалқаулық, жалқаулық

  • 0
  • 0

Әй, жалқаулық, жалқаулық
Әй, жалқаулық, өткендi ойлап,
Қалай ғана қынжылмайын?
Сұлтан Қалиев

Толық

Лаң

  • 0
  • 0

Лаң - Сұлтан Қалиев
Есеп десе кiшi iнiм
Берiледi үрейге.
Сәл ойланса,

Толық

Қарап көріңіз