Өлең, жыр, ақындар

Бірлік төрі – Астанам

  • admin
  • 26.11.2024
  • 0
  • 0
  • 315
Асыл аймақ, Есіл еркем,
Құтты болсын көшің көркем –
Ел аңсаған.
Жасап қазақ биік төрін,
Қыран-қала, биіктедің,
Мен жар салам.
Тілек қосқан барлық достың,
Жүрек тербеп, басын қостың,
Сен өркенде.
Нұрың жансын, асыл мекен,
Саған бақыт ғашық екен
Кең өлкемде.
Ата жолын білген едім,
Құштар жаным бірге менің,
Сен шарықта.
Сәлем алшы, тәжім етем,
Заман сырын мәлім етем
Мен халыққа.
Әнім – шашу, күйім – тұмар,
Шаттық кернеп, болдым құмар
Жас сәулетке.
Елге – ырыс, жерге – қорған,
Төрің толсын, Алтын Ордам,
Мол дәулетке.

18.01.1998.
Алматы



Пікірлер (0)

Пікір қалдырыңыз

Жұлдызға жанған үміткер

  • 0
  • 0

Жұлдызға жанған үміткер,
Жаһанды біз де кезіп ек.
Алыста жүрген жігіттер,
Кәкімбек Салықов

Толық

Тобылдың дарабозы

  • 0
  • 0

Түлегі той жасаса Қостанайдың,
Сырбайша неге жедел қостамаймын?
Қазақтың асыл ұлы Кенжеғали,
Мен сені інім әрі дос санаймын.

Толық

Абайым

  • 0
  • 0

Салдың сөз сарайын,
Пайғамбар – пенде боп.
Екінші Абайым,
Кәкімбек Салықов

Толық

Қарап көріңіз