Өлең, жыр, ақындар

Сес білдірді нар қазақ

  • 03.11.2021
  • 0
  • 0
  • 815
(Фазыл Кәрібжановқа)

Жарылыстар – үнсіз жау құлақтанды,
Бастан кештік атомдық сынақтарды.
Өлген малдар Сарыарқа даласында,
Ракеталар қалдығы сұлап қалды.
Семейліктің жайламас күлкі реңін,
Жан біткенді, сұм атом, сілкіледің.
Фазыл аға, сол кезде сес білдіріп,
Күңіренген күн болып күркіредің.
Мешел туған көрдік қой сан туманы,
Сұмдық болды­ау сор таңдай татығаны.
Сол кеселден, жан аға, жан қиғаның
Құпия боп, халыққа айтылмады.
Сескендірсе Мәскеуді күшті лебің,
Қайраткерлік ісіңді білсін елім.
Ерте кеттің, шіркін­ай,
Біздер көрдік
Көп жұлдызды сұм заман түлкілерін.
Ашық жарылыс тоқтады нарлығыңмен,
Мәскеу төрі айқастың барлығымен.
Ұлтың үшін жүргенде от ішінде,
Сес білдіріп талайды таң қылып ең.

05.01.2010.
Астана



Пікірлер (0)

Пікір қалдырыңыз

Есіл мен Көкше – бір аймақ

  • 0
  • 0

Көк Есіл, кербез, ер Көкше,
Аумайсың алтын аралдан.
Мағжандай дарын ерекше,
Кәкімбек Салықов

Толық

Аққулардың арманы

  • 0
  • 0

Аққулардың арманы
Дара аққуды көрдім айдын шетінде,
Бейнесі оның ұқсап кетті жетімге.
Кәкімбек Салықов

Толық

Карузосы көкшенің

  • 0
  • 0

Ақан сері, Біржан салдың ізімен
Ән салғанда нұр шашатын жүзінен.
Толғанатын, тебіренетін, балқитын,
Кездескендей төрде хордың қызымен.

Толық

Қарап көріңіз