Өлең, жыр, ақындар

Толқындар бұрқанады

  • 23.02.2022
  • 0
  • 0
  • 1051
Толқындар бұрқанады
бірін бірі тепкілеп, шалып жығып,
буралардай тістескен санын жұлып,
бейкүнәсіп қараған дүниенің
алдамшы, жат қылығын – бәрін де ұғып,
жібергісі келгендей қағындырып.
Сумаң жел де жылмаңдап – таныс
қылық –
баяуласа толқындар – тағы ысқырып,
қойға қасқыр тигендей айтақтайды
бір-біріне соқтырып, алыстырып,
ақкөз толқын өршиді онан сайын,
қанталаған жанарда намыс бұғып.
Жүйріктердей жаратып таң асырған,
тепкісінен толқынның жаға сырдаң.
Теңіз – жынды
сағынып сені күткен
кездердегі мен сын-ды аласұрған.
Арнасынан шығам деп арпалысып,
сосын сұлық жатады шарасыздан...
1976



Пікірлер (0)

Пікір қалдырыңыз

Бойым дел-сал қалғандай жайрап денем

  • 0
  • 0

Бойым дел-сал қалғандай жайрап денем,
шатастырып күнді аймен, айды аптамен,
ыққан малдай сезімді оқтын-оқтын
ақыл-дана алдына айдап келем.

Толық

Өз қолыммен

  • 0
  • 0

Ойлап көрші сен мені, еркетайым,
жібек шашың сипаған қолымменен
мектеп салып жатырмын,
қызық-ау өмір деген.

Толық

Қыр келбеті

  • 0
  • 0

Сеңсең тон, саптама етік, түлкі тымақ,
тазы ертіп аңшы шықты, бүркітін ап.
Омбы қар. Қыстау маңы жайбарақат.
Қарайды айналаға Күн шытынап.

Толық

Қарап көріңіз