Өлең, жыр, ақындар

Қауіп-қатер

  • 31.05.2021
  • 0
  • 0
  • 812
Алпыстан асып кеткен жас та қауіп,
аяғың астындағы тас та қауіп, —
соншама қауіп-қатер арасында
барады-ау қайран дүние бастан ауып...
Жүргенің, күлгеніңнің бөрі қауіп,
соны ойлап күйзелесің ауық-ауық.
Қазіргі көңілің де, өмірің де
көшкен ел қозысындай жамырауық.
Сайланып-сайланбаумен, сайрандаумен
барады бастан ауып қайран дәурен, —
кірмейтін қаперіме күні кеше
қара бас қатеріне айналды әурең!
Құдайдан кіреукелі сауыт тілеп,
біз қашан хақ жолынан ауытқып ек:
көз көрген сұмдықты айту, ұрлықты айту —
шындықты айтудан да қауіптірек!
Тірліктің бүгінгідей дауылында
қауіпті ойының да, сауығың да,
тағы да бірдеңе айтып қала ма деп,
тұрады қауіптеніп бауырың да.
Бойдағы наласымен, жарасымен,
әйтеуір, қазағымның даласы кең, —
жығылсам — жер көтеріп,
келе жатқан
жайым бар қауіп-қатер арасымен!



Пікірлер (0)

Пікір қалдырыңыз

Бейтаныс

  • 0
  • 0

Түлкідей қылаң етіп қына белден,
кім едің қыр астынан шыға келген,
жүрмін-ау қылығыңа күле де алмай,
жөніңді біле де алмай сұрап елден.

Толық

Жағынбадым әкіміңе, әмірге

  • 0
  • 0

Жағынбадым әкіміңе, әмірге,
жалбарына жалынбадым тәңірге,
намысымды берген жоқпын қолымнан.
көнген жоқпын қиянатқа, жәбірге.

Толық

Есіңде ме?

  • 0
  • 0

Есіңде ме?..
Көктөбе... ақ күміс күн...
Құшып ыстық өзіңді, қатты қыстым.
Құйын болып өткендей болды-ау, дүние,

Толық

Қарап көріңіз

Пікірлер