Өлең, жыр, ақындар

Араша

  • 20.04.2020
  • 0
  • 0
  • 1183
Болса өзі балақан,
Керек жылы алақан.
...Ұясынан құлаған,
Жатыр жерде балапан.

Анасы жүр шырылдап,
Жетті мысық пырылдап.
Күшік оған тап беріп,
Айбат қылды ырылдап.

Мысық та дес бермейді,
Аяқтарын сермейді.
Оңай келген олжадан,
Айырылғысы келмейді.

Айбат қылсын ол мейлі,
Күшік те оған көнбейді.
Балапанды қорғансыз,
Жауызға ол бермейді.

Айқас солай жалғасты,
Олар ұзақ арбасты.
Шырылдаған торғайдың,
Шыдамынан мән қашты.

Ұясы ғой – қиыны ең,
Терек талдың биігі ең...
Дәл сол сәтте ойнауға,
Сұлтан шықты үйінен.

Көз алдында жай қанық,
Тұрар кез бе ойланып?!
Балапанды қорғансыз,
Ұясына қойды алып.

Дұрыс дейді ол – дұрысты,
Бұрыс дейді ол – бұрысты.
Алғыс айтып күшікке,
Ал, мысыққа ұрысты.



Пікірлер (0)

Пікір қалдырыңыз

Қарашадағы қаралы өлең

  • 0
  • 0

Ол жылы мен не бары он үште едім,
Мені құшып ағайын, көрісті елім.
Әкем кетті аттанып арамыздан,
Ішіне тұншықтырып соғыс шерін.

Толық

Жайлау

  • 0
  • 0

Ұқсамайсың қалаға,
Сөз жетпейді бағаңа.
Керегенің көзінен,
Көз жібердім далаға.

Толық

Күзгі көңіл

  • 0
  • 0

Көлегейлеп Күн нұрын,
Аспанның да қабағы қатуланып тұр бүгін.
Түрер оның желіккен жел түндігін...
Жұбатады ал, бірақ

Толық

Қарап көріңіз

Пікірлер