Өлең, жыр, ақындар

Николай тихоновқа

  • 07.02.2016
  • 0
  • 0
  • 1663
Қан толқып, Нева, Волхов суларында,
Қоршауда Ленинград тұрғанында.
Окопта бірге болып жүретұғын,
Біздермен сенің солдат жырларың да.
Назия жататұғын сылдыр қағып,
Қелгендей қарт Невадан бір жыр алып
Тұрғандай болушы еді тыңдап соны,
Волховтың көк орманы бұйраланып.
Орыстың кең пейілді байтақ жанын,
Қалайша тіл жеткізіп айта алармын.
Алдында шабуылдың жадыма алып,
Өзіңнің жырларыңды қайталадым.
Батырлық қанып ішкен бұлағынан,
Қайратың көк құрыштай суарылған.
Жай күнде жас баладай жан екенсің,
Көргенде шықтым сені құмарымнан.
1951



Пікірлер (0)

Пікір қалдырыңыз

Қызыл жалау

  • 0
  • 0

(Баллада)
Ленин жолды сілтеп азат, жарқын,
Бастады ұлы айқасқа қазақ халқын.
Ерттеліп кермедегі қазан аттар,

Толық

Мтацминда

  • 0
  • 0

Тербеп жанын терең бір күй,
Батқан бұл тау ауыр мұңға.
Акакий Церетели
Тебіренген қабырында.

Толық

Тобыл

  • 0
  • 0

Аймалатып төсімді
Айдынына Тобылдың,
Аунап түсіп ағынға
Аққу құстай шомылдым.

Толық

Қарап көріңіз

Басқа да жазбалар