Өлең, жыр, ақындар

Аврора

  • 07.02.2016
  • 0
  • 0
  • 2179
Тығылын «Аврораның» алқымына,
Ашу кек тұрды дайын атылуға.
Жаңа дүние сөйледі хабаршысы
Жалыны ұқсап таңның жалқынына.
Ұшырып ескі тақты ұшқынымен,
Оятты жердің жүзін күшті үнімен,
Қақ бөлген қара бұлтты найзағайдай
Шұғыласы шар тарапқа түсті бірден.
Аңсаған жетіп адам мезгіліне,
Қол созды жаңа туған өз күніне.
«Аврора жаңғырығы атой салған
Ұқсады Лениннің өз үніне.
«Аврора» жарығындай нұрын құйып,
Ленин Октябрьдің туын сүйіп.
Көтерген бүкіл елдің қолыменен,
Қарауға болашақты тұрды биік.
Ентелеп, бірін-бірі киіп-жарып,
Тыңдады Ленинді дүйім халық.
Желпінді жаңа заман жаршысының
Әр сөзін құлағына құйып алып.
...Көрсетіп құдіретін біздің күштің,
Аспанның қабат-қабат жүзіп үстін,
Жер тұрсын, Айға барып қонақтады,
Тараған «Аврорадан» қызыл ұшқын.



Пікірлер (0)

Пікір қалдырыңыз

Балтық кеші

  • 0
  • 0

Айбарлы ашу жатқан кескінінде,
Күркіреп отын шашқан кешкі күнде,
Көзінен көбік атқан жер тепкілеп
Күңіренген теңіз үнін естідің бе?

Толық

Бақыт кітабы туралы баллада

  • 0
  • 0

І
Қауіп қатер үстінде боп бұл жалған,
О, балалар, артта қиын жол қалған.
Инженердің дипломы қазіргі

Толық

Волхов

  • 0
  • 0

Долы ағын иіріліп, шұбатылып,
Толқыны тоқсан тоғыз бұратылып.
Шашылған зеңбіректің оттарындай,
Ақ көбік айдынында тұр атылып.

Толық

Қарап көріңіз