Өлең, жыр, ақындар

Көгершін

  • 07.02.2016
  • 0
  • 0
  • 5029
Сөгіп қара түн өлкесін,
Күн шұғыласын шашқанда.
Хабар тасып көк көгершін,
Көтерілді аспанға.
Сол хабарда жатыр еді,
Картасы қыр-сайлардың.
Сол хабарда жатыр еді,
Картасы қан майданның.
Көгершіннің қанатында
Өмір, өлім таласы...
Жалғасты тез қапелімде
Майдандардың арасы.
Көк көгершін жауапты алып,
Оралды күн батарда.
Көгершіндей қанаттанып,
Шықты ерлер сапарға.
* * *
Ормандары орыстың,
Отын кештің соғыстың.
Қалқан болып кеудеме
Бомба түссе болыстың.
Әр қарағай, әр қайың,
Досым болдың әрдайым.
Жапырағыңа сүңгіді,
Дулығалы маңдайым.
Жандым лаулап көмірдей,
Кештім күннің ауырын.
Сақтап қалды өмірдей
Тереңдегі тамырың.



Пікірлер (0)

Пікір қалдырыңыз

Қорқақ

  • 0
  • 0

Егін жайда еңбек етпей жанжал сап,
Ақыл айтқан өз досына қанжар сап,
Су жүректей қашқан майдан шебінен
Зытты қорқақ түн ортасы ауған шақ.

Толық

Көктем сұлу келеді

  • 0
  • 0

Далаға жайып көк жібек,
Өзен боп өзі мөлдіреп,
Гүл болып қызыл желбіреп,
Көктем сұлу келеді,

Толық

Болат қалқан

  • 0
  • 0

Айта аламын әрқашан,
Орал сені мықты деп,
Жүгін, көкке нанбасаң
Тауларың тұр бұлт тіреп.

Толық

Қарап көріңіз