Ақын әйел
- 0
- 0
Басқа әйелде басқа арман, басқа мұрсат,
Отырады асықпай әңгіме айтып.
Ал мен үшін әрбір күн — қас-қағым сәт,
Еркіндікке енбеймін енді қайтып.
Бауыр
БаяғыдаӨлеңі үшін ақылды
Кесірленіп, кесім айтып ақырғы,
Ойсыз әкім абақтыға қамапты
Қанжар тілді жау жүрек жас ақынды.
Қаталдықтың көрсетпек боп көкесін,
Қабаттасып сөздері де кекесін,
Бір түрмеде бірге ұстапты ақынның
Нағашысын, шешесі мен әкесін.
Бос кезде де жүрген еді байымай,
Өзі кедей төртеуінің ойы бай.
Қайсарлықпен ән салады қосылып,
Қап-қараңғы түрмеде де мойымай.
Абақты әнмен жылылыққа толатын,
Жырын жазып отырыпты ал ақын.
Әкім бұған шыдамайды,
Айла іздеп,
Ойлап-ойлап былай депті сол әкім.
"Өнерлісің, өжетсің де әрқайсың,
Сен айт, әйел,
Алдыңда тұр таудай сын.
Сені және үш еркектің біреуін
Босатамыз, айт, қайсысын таңдайсың?"
"Тұрған заман — құшағында дауылдың,
Әділ күші жеңіп шығар дәуірдің.
Ауырдым мен бұл үшеуі үшін де,
Бірақ орны бөлек екен бауырдың.
Жарым кетсе, жар табармын бірде мен,
Жар табылса, болар тағы ұл деген.
Өлген анам қайтып келіп ұл таппас,
Бауырымды босатыңдар түрмеден!
Өз жақсыңды өзің құртып,
қалай ел
боларсыңдар?!
Құрбан болды-ау талай ер...
Рухы жоқ — ақыны жоқ халықтың,
Ойланыңдар!" — деген екен дана әйел.
Ожар әкім ештеме де деместен,
Шығып кетіп, мырзасымен кеңескен.
"Босат, — депті, — төртеуінде!" — сескеніп,
Шонжар бастық айдарынан жел ескен.
Аңыздың біз естімедік қандайын,
Аңыз айтқан ақындарды қорғайын.
Қайран бауыр!
Қайран ұлы сезімдер!
Әр жүректе жасаңдаршы әрдайым!
Пікірлер (4)
Пікір қалдырыңыз
Ертіс бойында туған ой
- 0
- 0
Жасыл дала, жасыл қыр, жасыл ғалам,
Жасыл нұрмен, табиғат, асыл бағаң.
Жасыл дала төсінде ойнайды Ертіс —
Еркелігі әлі де басылмаған.
Көкейкесті
- 0
- 0
— "Дүрбелең дулы қаланың
Дүкені қайда, қалқам-ай?
Өтердей мына ағаңның
Өзекті шері тарқамай.
Қарап көріңіз
Басқа да жазбалар
Пікірлер
-
Каусар
Өте керемет -
Ок
Ок -
Әсел Айша
Өте ақылдымыз -
Динара
Шынымен де әдемі мектеп екен
Абылкаятов Еркебулан
Суретте Кулаш апамыз емес Фариза Онгарсынова апамызгой кателиктеринизди тузетуди талап етем
AYAGOZ
Суретте Күләш Ахметова
AYAGOZ
Еркебұлан, сенің талаптарыңмен жүрсе адасудың көкесі болады) Бұдан былай ештеңе ешкімнен талап етпей ақ қойшы)
Жұмабайева Ардақ.
Өте жақсы жазылған.Маған ұнады!