ƏЙ ӨМІР

Бекер-ақ өмір сүрдім бе,
Жасандылық күлкімде.
Бұл дүние өтер екен-ау,
Жақсылық жасадым –
Қол ұшын беріп кімдерге.

Қалдырып суық түндерге,
Тоңдырып қысқы күндерге,
Бұл дүние өтер екен-ау,
Көзді ашып жұмғанша
Желдей зулап бір күнде.

Өмір сүрдім бе бекер,
Бəрін-бəрі ұмытып кетер.
Біле білсең өткінші ғой,
Доста, Махаббатта,
Нөсердей бір сіркіреп өтер.

Ойлап ем бақыттымын деп,
Бойлап ем жан-тəнім деп.
Айла не, кетті ғой бəрі,
Көкіректен итеріп кеп.

Əй, өмір əділет қайда,
Берген сөз, серт қайда.
Əй, егер жалған болса,
Сеніп бауыр басып,
Жүргеннен не пайда?

Авторы: Серік Қозыбаев

---