Жақсы кісі сырқаттанса,
Көңілін сұрар ағайын.
Жаман кісі сырқаттанса,
Жан баспайды маңайын.

Ілмектер: жақсы, жаман, кісі

---

---

Екі жақсы қосылса,
Қыл өтпейді арадан.
Екі жаман қосылса,
Қол кетпейді жағадан.

Ілмектер: жақсы, жаман

---

---

Екі жақсы қас болмас,
Екі жаман дос болмас.

Ілмектер: жақсы, жаман, дос

---

---

Жақсының басына іс түссе,
Ашынар да, ашылар.
Жаманның басына іс түссе,
Төгілер де, шайылар.

Ілмектер: жақсы, жаман, мінез-құлық

---

---

Жаманға басшы болғанша,
Жақсыға қосшы бол.

Ілмектер: жақсы, жаман

---

---

Жаманға етіңді бер,
Жамандығын қойсын деп.
Жақсыға ниетіңді бер,
Мерейі толсын деп.

Ілмектер: жақсы, жаман, мінез-құлық

---

---

Жақсының қасиеті — жарастыру,
Жаманның қасиеті— таластыру.

Ілмектер: жақсы, жаман, мінез-құлық

---

---

Жақсыға айтқан тура сөз —
Жасақ тіккен тумен тең.
Жаманға айтқан тура сөз —
Құмға төккен сумен тең.

Ілмектер: жақсы, жаман, сөз

---

---

Жақсыға айтсаң
Бітірер,
Жаманға айтсаң
Жітірер.

Ілмектер: жақсы, жаман, мінез-құлық

---

---

Жақсы жігіт
Досының қамын ойлайды.
Жаман жігіт
Басының қамын ойлайды.

Ілмектер: жақсы, жаман, жігіт, дос

---

---

Жақсы адамның жасын сұрама,
Жақсы аттың тісін қарама.

Ілмектер: жақсы, адам, өнеге, тәрбие

---

---

Жақсы келін — қызыңдай,
Жақсы күйеу — ұлыңдай.

Ілмектер: келін, ұл, жақсы

---

---

Арзан менен қымбаттың
Базар берер нарқы бар,
Жақсы менен жаманның
Адам берер парқы бар.

Ілмектер: базар, жақсы, жаман

---

---

Жайлауы жақсының
Әр бұтасының түбі бір кесек ет.

Ілмектер: жақсы, жайлау

---

---

Балаң жақсы болса —
Екі көздің шырағы.
Атың жақсы болса —
Бұл дүниенің пырағы.
Алған жарың жақсы болса —
Абыройыңның тұрағы.

Ілмектер: бала, ат, әйел, жақсы

---

---

Адам жаманнан жиренбей,
Жақсыны үйренбейді.

Ілмектер: адам, адам туралы, жақсы, жаман

---

---

Біреуден екеу жақсы,
Құр қолдан көсеу жақсы.

Ілмектер: жақсы, көсеу

---

---

Жақсы бала қонаққа үйір,
Жақсы тай атқа үйір.

Ілмектер: жақсы, бала, қонақ

---

---

Жақсы жерге жатсаң, жақсы түс көрерсің.

Ілмектер: жақсы, түс

---

---

Жақсыны сыйласаң есінен кетпейді,
Жаманды сыйласаң есігіңнен кетпейді.

Ілмектер: жақсы, жаман, сыйластық

---

---