Әлеуметтік желілердің қазіргі жастарға әсері

   Қазіргі уақытта әлеуметтік желілер жастардың өмірінде маңызды орын алады. Интернет арқылы адамдардың бір-бірімен байланысып, ақпарат алмасуына, пікір білдіруіне және түрлі контент жариялауына мүмкіндік беретін онлайн платформалар әлеуметтік желілер деп аталады. Бүгінде жастар арасында кең таралған платформаларға Instagram, TikTok, Facebook және Telegram жатады. Осы платформалардың ішінде қауіпсіздігімен жиі аталып жүретін мессенджерлердің бірі — Telegram. Бұл қосымшада хабарламаларды қорғау үшін арнайы шифрлау технологиялары қолданылады. Әсіресе Secret Chat режимінде хабарламалар end-to-end encryption жүйесі арқылы қорғалады. Мұндай жағдайда хабарламаларды тек жіберуші мен қабылдаушы ғана оқи алады.

Telegram платформасының қауіпсіздігін тексеру мақсатында оның негізін қалаушы Pavel Durov бірнеше рет хакерлерге арналған байқаулар ұйымдастырған. 2013 жылы ол Telegram-ның шифрлау жүйесін бұза алған адамға 200 мың доллар сыйақы берілетінін жариялаған. Бұл бастама платформаның қауіпсіздігін тексеру және жетілдіру мақсатында өткізілген.

Қазіргі уақытта Telegram мессенджерін әлем бойынша шамамен 1 миллиардқа жуық адам пайдаланады. 2025 жылдың наурыз айында платформаның ай сайынғы белсенді қолданушыларының саны 1 миллиардқа жеткені ресми түрде хабарланды.

Жалпы алғанда, әлеуметтік желілер қазіргі жастардың өмір салтына, ойлау жүйесіне және дүниетанымына тікелей әсер етеді. Олар жастарға ақпаратқа жылдам қол жеткізуге, өз пікірін білдіруге және шығармашылық қабілеттерін көрсетуге мүмкіндік береді. Сонымен қатар кейбір жағдайларда әлеуметтік желілер уақытты тиімді пайдаланбау, виртуалды өмірге шамадан тыс тәуелділік немесе өзін жасанды түрде көрсету сияқты мәселелерді де туындатуы мүмкін. Сондықтан әлеуметтік желілерді дұрыс әрі саналы пайдалану қазіргі жастар үшін маңызды дағдыға айналып отыр.

“Journiverse” білім беру орталығының оқушысы: Назым Қорғанбай