Сән индустриясындағы ең қымбат фотосуреттер

      Фотография бүгінгі таңда тек өнер ғана емес, сонымен қатар үлкен индустрияға айналды. Сән журналдары мен жарнамалық кампаниялар үшін жасалатын фотосессияларға кейде өте үлкен қаржы жұмсалады. Мұндай жобаларда кәсіби фотографтар, стилисттер, визажистер, дизайнерлер және продюсерлерден құралған үлкен команда жұмыс істейді. Сонымен қатар эксклюзивті түсірілім орындары, қымбат сәндік киімдер мен әшекейлер пайдаланылады. Осы себепті кейбір фотосессиялардың құны жүздеген мың долларға дейін жетуі мүмкін. Сән индустриясында танымал адамдардың қатысуымен өтетін фототүсірілімдер ерекше назар аударады. Мысалы, америкалық медиа тұлға Kim Kardashian қатысқан сән журналдарына арналған фотосессиялар да жоғары бюджетімен ерекшеленеді. Мұндай жобалар көбіне халықаралық сән журналдары мен ірі брендтердің жарнамалық кампанияларында қолданылады.

Фотография саласында қымбатқа бағаланатын жұмыстар тек сән фотосессияларымен шектелмейді. Өнер нарығында кейбір фотосуреттер аукциондарда миллиондаған долларға сатылған. Мысалы, неміс фотографы Andreas Gursky түсірген «Rhein II» атты фотосурет 2011 жылы Нью-Йорктегі аукционда 4,3 миллион долларғасатылып, сол уақыттағы ең қымбат фотосуреттердің бірі ретінде танылды. 

Бұл фотосурет 1999 жылы түсірілген және Рейн өзенінің жағасын бейнелейді. Үлкен форматта басылған бұл жұмыс өнер коллекционерлері арасында жоғары бағаланды. Фотографияның ерекше құны оның сирек кездесетіндігімен де байланысты: суреттің тек бірнеше ғана түпнұсқа басылымы бар. 

Фотография нарығы жыл сайын дамып келеді. Өнер сарапшыларының айтуынша, коллекционерлер көбіне фотосуреттің техникалық сапасына ғана емес, оның идеясына, сиректігіне және авторының беделіне де мән береді. Сондықтан кейбір фотожобалар өнер туындысы ретінде бағаланып, аукциондарда өте жоғары бағамен сатылуы мүмкін.

Фотосессиялар сән индустриясында да, өнер әлемінде де ерекше орын алады. Олар тек сурет түсіру процесі емес, шығармашылық идея, стиль және кәсіби еңбектің үйлесімінен пайда болатын күрделі жоба болып саналады. Осы себепті кейбір фотосуреттер уақыт өте келе мәдени және көркем құндылыққа ие болып, әлемдегі ең қымбат өнер туындыларының қатарына қосылады.

“Journiverse” білім беру орталығының оқушысы: Азиза Бозаева

---