Шетелге шығу: демалыс па, даму ма?

     Шетелге саяхаттау – адамның дүниетанымын кеңейтетін, жаңа мәдениеттермен таныстыратын және ерекше әсер сыйлайтын маңызды тәжірибе. Басқа елге бару арқылы адам жаңа орта көреді, өзге халықтың тұрмыс-тіршілігін таниды, тарихы мен салт-дәстүріне жақындай түседі. Сондықтан саяхат – жай ғана демалыс емес, ол адамның таным көкжиегін кеңейтетін өмірлік тәжірибе.

Туризм – әлемдегі ең ірі салалардың бірі. World Economic Forum мәліметінше, халықаралық туризм пандемиядан кейін қайта қалпына келіп, 2024 жылы әлемдік саяхат ағыны пандемияға дейінгі деңгейге жақындады. Сонымен қатар туризм саласы көптеген елдің экономикасына, жұмыспен қамту жүйесіне және халықаралық байланысына үлкен әсер етеді. Әлемде шетелге жиі саяхаттайтын елдер қатарына АҚШ, Қытай, Германия, Ұлыбритания және Франция сияқты мемлекеттер жатады. Бұл елдердің тұрғындары демалыс, оқу, бизнес және мәдени мақсаттармен шетелге жиі шығады. Мұндай көрсеткіш халықтың мобильділігі мен туризм мәдениетінің жоғары екенін көрсетеді.

Саяхаттың тағы бір маңызды қыры – оның адамдарды жақындастыруы. Бір елге барған турист сол халықтың мәдениетін тек сырттай бақылап қана қоймай, оны өз көзімен көреді, сезінеді, түсінуге тырысады. Осы арқылы саяхат халықтар арасындағы түсіністік пен сыйластықты арттырады. БҰҰ Бас хатшысы António Guterres те туризмнің мәдениеттер арасында көпір орнатып, өзара түсіністікке жол ашатынын атап өткен. Бұл туризмнің тек экономикалық емес, әлеуметтік маңызы да жоғары екенін көрсетеді. Қазақстан да туризмді дамытуға қолайлы елдердің бірі. Елімізде табиғаты көркем, тарихи маңызы жоғары және туристерді қызықтыратын аймақтар көп. Соңғы жылдары Қазақстанның туризм саласына көбірек көңіл бөлініп, бұл бағыт халықаралық рейтингтерде де жиі атала бастады. World Economic Forum-ның Travel & Tourism Development Index 2024 есебінде туризм инфрақұрылымы, қауіпсіздік, ашықтық және табиғи ресурстар сияқты көрсеткіштердің маңызы ерекше көрсетілген. Қазақстан ішінде туристер көп баратын бағыттардың қатарында Алматы, Астана, Маңғыстау, Шығыс Қазақстанжәне Алматы облысы бар. Бұл өңірлер табиғатымен, қалалық мәдениетімен, тарихи орындарымен және демалыс мүмкіндіктерімен ерекшеленеді. Шетелге саяхаттау әр адамға әртүрлі әсер сыйлайды. Біреу үшін ол – демалыс, біреу үшін – арман, ал енді бірі үшін – өзін жаңаша танудың жолы. Жаңа ел көру, жаңа адамдармен танысу, бұрын байқамаған дүниелерді сезіну адамның ой-өрісін байытады. Сол себепті саяхат – есте қалатын сәттер мен жаңа көзқарас сыйлайтын ерекше мүмкіндік.

«Journiverse» білім беру орталығының оқушысы: Камалова Венера