ҚазҰУ – шетелдік студенттің жаңа үйі

Басты бет / Оқушылардың өзге жұмыстары / ҚазҰУ – шетелдік студенттің жаңа үйі

ҚазҰУ – шетелдік студенттің жаңа үйі — Оқушылардың өзге жұмыстары бөліміндегі материал.

Материал — шетелдік студенттер, Қазақстан — осы тақырыптарға байланысты.

Шетелде оқу – әр студент үшін үлкен тәжірибе. Жаңа елге келу, жаңа адамдармен танысу және басқа ортаға үйрену алғашында қиын көрінуі мүмкін. Бірақ дұрыс орта табылса, бұл кезең қызықты әрі ұмытылмас уақытқа айналады. Мен үшін сондай орта – әл-Фараби атындағы Қазақ ұлттық университеті.

Мен – Лайла, ұлтым қазақ болғанымен, Моңғолияда дүниеге келгенмін. Қазіргі таңда ҚазҰУ-дың Экономика факультетінде білім алып жатырмын. Бұл университетті таңдаған сәттен бастап мен өзіме үлкен мақсат қойдым: тек білім алып қана қоймай, жаңа ортаға толық бейімделу. Алғашында бәрі бейтаныс көрінді – адамдар, жүйе, қала. Бірақ уақыт өте келе бұл орта маған жақын бола бастады.

ҚазҰУ-дың ерекше тұстарының бірі – оның студентке деген жан-жақты қамқорлығы. Университет кампусы өте үлкен әрі заманауи талаптарға сай жабдықталған. Мұнда оқу корпустары, кітапханалар, спорт кешендері мен демалыс орындары үйлесімді орналасқан. Осындай ортада білім алу студентке үлкен мотивация береді.

Шетелдік студент ретінде мен үшін әртүрлі елден келген студенттермен бірге тұрып, олардың мәдениетімен таныстым, жаңа достар таптым. Бұл тек тұрмыстық жағдай ғана емес, сонымен қатар тұлғалық дамуға әсер ететін маңызды кезең.

Университет өмірі сабақпен ғана шектелмейді. ҚазҰУ-да түрлі іс-шаралар, мәдени бағдарламалар, спорттық жарыстар жиі ұйымдастырылады. Осындай белсенді орта студенттердің өз қабілеттерін ашуына мүмкіндік береді. Мен де университет өміріне белсенді араласып, жаңа тәжірибелер жинақтап келемін.

Сонымен қатар, ҚазҰУ студенттердің қоғамдық белсенділігін дамытуға ерекше көңіл бөледі. Түрлі ұйымдар мен клубтар арқылы студенттер өз идеяларын жүзеге асырып, көшбасшылық қасиеттерін дамыта алады. Бұл – болашаққа сенімді қадам жасауға үлкен мүмкіндік.

Қорытындылай келе, ҚазҰУ мен үшін тек оқу орны емес, жаңа өмірдің бастауы, жаңа үйіме айналды. Бұл жерде мен тек білім алып қана қоймай, өзімді дамытып, жаңа ортада өз орнымды таба алдым. Шетелдік студент үшін мұндай мүмкіндік – баға жетпес тәжірибе.

Әл-Фараби атындағы Қазақ Ұлттық Университетінің 1 курс студенті - Жанбота Лайла

Қазақстан тарихы кафедрасының доценті, тарих ғылымдарының кандидаты У. М. Джолдыбаева

шетелдік студенттер Қазақстан

Пікірлер (0)

Пікір қалдырыңыз

Ұқсас материалдар

Осы тақырыпқа қатысты басқа материалдар

ҚазҰУ – шетелдік студенттің жаңа үйі материалы Оқушылардың өзге жұмыстары бөліміне жатады. Осы тақырыпқа жақын жазбаларды бөлім, тег және автор сілтемелері арқылы табуға болады.

Оқушылардың өзге жұмыстары бөліміндегі басқа мақалалар шетелдік студенттер тақырыбындағы мақалалар Қазақстан тақырыбындағы мақалалар laila_jnb жариялаған басқа материалдар

Жиі қойылатын сұрақтар