Сабақтың тақырыбы:

«Сан есім. 447-451-жаттығулар».

   Міндеті:

 Сан есім туралы оқушылардың білімдерін тереңдету;сөз таптары туралы білімдерін бекіту.

   Мақсаты:

 Тапсырмалар орындау арқылы ойлау қабілеттерін дамыту;

   Оқыту нәтижесі:

 Сан есімнің сөйлемдегі маңызын түсінеді.

   Тапсырмалар:

 Топпен және өз бетінше жұмыстар.

   Көрнекіліктер:

Т ірек-сызба, слайдтар, интертақта, қима қағаздар.

   Әдіс-тәсілдер:

 Сұрақ –жауап, түсіндіру, топтық жұмыс.

   Сабақтың түрі:

 Аралас сабақ

  Сабақтың барысы: 

 І. Ұйымдастыру:

 Топқа бөлу     (зат есім,сын есім, етістік)

 ІІ. Психологиялық  дайындық:

  Мейірімді жүрекпен           
  Амандасып алайық.     
  Ақ пейілді тілекпен              
  Бір жадырап қалайық.  

 ІІІ. «Қайталау- білім анасы»

- Сөйлем дегеніміз не? Сөйлем неден құралады? Мәтін ережесін айт. Мәтін түрлерін ата. Түбір дегеніміз не? Қосымша нешеге бөлінеді?        Сөз таптарын ата. Жұрнақ туралы айт. Т.б

 ІV. Ойын «Кім шапшаң?»

Берілген сөздерді сөз таптарына топтау.                     

   Бұғы, жасыл, таза, барды, үйшік, өзен, көктем, сабақ, ақылды, ащы, жүрді, әкелді. (ережелерін айту)

 V. Ребус шешу

 VІ. Жаңа сабақ

 а) Дәптермен жұмыс                                                             

 ә) Көркем жазу: Бір, екі, үш, төрт, бес.                          

 б) Оқулықпен жұмыс. 447-жаттығу. Өлеңді тиісті дауыс ырғағымен оқы.                                                                    

 – Екі көзің неүшін керек?

 – Жақсыларды  көру үшін.  

 – Екі қолың не үшін керек? 

 – Елге көмек беру үшін. (Қарамен жазылған сөздерге сұрақ қой.Ол нені білдіреді?)                                                                             

 VІІ. Ережемен танысу

Сан есім туралы                                                  

 VІІІ. Сергіту минуты

1, 2, 3 қарлығаш боп ұш.
4, 5, 6 ауада ұшып қалқы.
7, 8, 9, 10 орныңа кеп қон.

 ІХ. 448-жаттығу.

Жұмбақты оқып, жатқа жаз. Шешуін тап.

Тоғыз белбеу, қос жібек,

Екі мұрын, бір шүмек. (Домбыра)

 Х. Топпен жұмыс. 

1-топ. 449-жаттығу . Ребусты шешіп, 102 сөзіне сөйлем құрау.

 2) Алмаға кеп күнара
 Қонушы еді бір ара 
 Бүгін тоғыз туысын
 Ертіп келді бұл ара.   
 Сонда бүгін алмаға
 Келіп қонды неше ара? 
               Жауабы: 10 ара 

 3) Шығармақ боп кеше есеп
 Жиналғанда бес есек.        
 Үшеуі ұйықтап отырды    
 Ынталысы неше есек?      
 Жауабы: 2есек   

 ХІ. 450-жаттығу

Берілген сөздердің сан есім екенін дәлелде. 

Бес, тоғыз, жетінші, отызыншы. (Бұл - сан есім,өйткені ...   ...   ...)  

 ХІІ. Топтық жұмыс

1) Сан есімді тап.

 – Сыныптарыңызда неше оқушы бар? 

 – Сабақ нешеде басталады?   

 – Бүгін сабаққа неше оқушы келді? Т.б 

 2) Мәтінді толықтыр.  

 Менің атым - сағат. Менің ... тілім бар: ұзын тілім - минутты, қысқа тілім - сағатты, ал жіңішке тілім – секундты көрсетеді.

 3) Мақалдың мағынасын түсіндір.                                

 Бір кісі қазған құдықтан мың кісі су ішеді.

 Жүз теңгең болғанша жүз досың болсын.

 ХІІІ. Сандар туралы

а)  Үш көз: су анасы - бұлақ, жол анасы - тұяқ, сөз анасы - құлақ.

Үш қуат: ақыл, жүрек, тіл.                          

ә) Бес өсиет:

 1. Топасқа сенбе.  
 2. Жауға иілме.            
 3. Әрқашан сақ жүр.
 4. Аш үйге қонба.
 5. Жарлыдан сый алма.

б) 7 ата: Әке, бала, немере, шөбере, шөпшек, немене, туажат.

 XIV. Қорытындылау

 – Қандай сөз табымен таныстық? Сан есім нені білдіреді? т.б

 XV. Бағалау

 Топтық және жиынтық    

 XVI. Кейінгі тапсырма:

 451-жаттығу (ереже жаттау)

 XV. Рефлексия:

 Стикерге өз пікірін жазып; кітапшаға жапсыру.