Еңбек түбі береке

Жамбыл облысы, Талас ауданы
Қаратау қаласы
«Үміт» мектеп–интернаты
Тәрбиеші: Жаңабай Бағдат Амангелдіқызы

I. Сабақтың тақырыбы: «Еңбек түбі береке».

II. Сабақтың мақсаты:              

1. Оқушыларды еңбек тәрбиесімен таныстыру            
2. Оқушылардың ой-өрісін, сөйлеу дағдыларын қалыртастыру, тіл байлығын, таным белсенділігін арттыру.
3. Еңбекке деген сүйіспеншілігін арттыру, жан-жақты азамат болуға тәрбиелеу.

III. Сабақтың әдісі: Баяндау, сұрақ – жауап.

IV. Сабақтың көрнекілігі: Суреттер, мақал-мәтелдер.

V.  Сабақтың түрі: Ойын сабағы.

VI. Сабақтың барысы:                      

1. Ұйымдастыру кезеңі
а) Сәлемдесу.
б) Түгелдеу.
в) Зейінін сабаққа аудару.
                         
2.  Жаңа сабақ.
Кіріспе.

Балалар, адам баласы еңбектеп өмірге келгеннен, еңкейіп дүниеден өткенше тек еңбекпен өмір сүреді. Өмір сүру дегеніміздің өзі-еңбек ету.

Мысалы: Сәби аяқ-қолына еге болып, талпынған шағында еңбектей бастайды. Сәбт үшін бұл-еңбек, Балабақшада балалар, тақпақ жаттайды, әр түрлі ойындар ойнайды. Осы жастағы балалар үшін бұл да еңбек. Мектеп жасында балалар біршама есейеді. Сондықтан қыз балалар үй-ішінің,ер балалар ауланың жұмысына,ата-аналарына қолғабыс жасайды. Мектепті ойдағыдай бітіріп, жоғарғы оқу орнына түсу үлкен еңбекті қажет етеді. Адам алдына қойған мақсатына тек еңбек арқылы жетеді. Еңбек адамды шынықтырады, шыңдайды. Сондықтан адам өмірінде еңбектену маңызы ерекше. Қазір осы сөзіме көз жеткізу үшін бір ойын ойнап жіберейік.

2. Ойын: «Жасырын сөз».

(Жасырын сөз «Еңбек – ер атандырады».

Балалар қандай сөз шықты. Бұл сөз қандай мағына береді.

(Балалардың пікірін тыңдау).

Негізі көп ел ерлік соғыста жасалады деп ойлайды. Бірақ бейбіт еңбекте ер атанған адамдар аз емес. Мысалы: Атақты күрішші Ыбырай  Жақаев, атақты шопан Жазылбек Қуанышбаев, механизатор Кәмшат Дөненбаева т.б. Біздің ауданымызда 61 еңбек ардагері бар. Мұның бәрі «еңбек – ер атандырады» деген сөзімізге мысал бола алады. Біздің әрқайсымыздың адал еңбек етіп, ер атануға мүмкіндігіміз бар. Ол үшін жақсы оқып, еңбек сүйгіш болып өсуіміз керек.Еңбектің бағасын біліп, қастерлей алуымыз керек.

3. Мақал сөздің мәйегі.

Еңбек етсең ерінбей,
Тояды қарның тіленбей.

Еңбектің наны тәтті,
Жалқаудың жаны тәтті.

Еңбекпен ер өседі,
Егізден төл өседі.

Еңбексіз ел кезгенің,ар үяттан безгенің.

Ал балалар өздерің білетін еңбек тақырыбындағы мақал – мәтел, өлең шумақтарын айтып бере аласыңдар ма?

4. Дәптермен жұмыс.

Мақал-мәтелдердің мағынасын аша отырып дәптерлеріне жаздыру.

5. Сергіту сәті:

Отырыңдар, тұрыңдар
Маған мойын бұрыңдар.
Бұрылайық оңға бір,
Иілейік алдыға
Енді түзу тұрайық
Қолымызды созайық,
Шапалақтап қоялық.

6. Ойын: «Еңбек құралдары» 

Еңбек құралдары: Кетпен, орақ, күрек, балға, төс, ине, біз, қысқыш, жіп.

Ұста құралы: балға, төс, қысқыш.

Шаруа құралы: кетпен, орақ, күрек.

Тігінші құралы:  ине, жіп, біз.

VII.  Қорытынды: Сұрақ–жауап.

1. Сонымен адам өміріндегі маңызы қандай?
2. Еңбектің пайдасы қандай?
3. Еңбек арқылы танылған қандай адамдар бар екен.
4. «Еңбек – ер атандырады» деген мақалдың мағынасы қандай?
5. Еңбек туралы қандай мақал–мәтелдер бар екен?