Іс-әрекет кезеңдері

Тәрбиешінің әрекеті

Балалардың әрекеті

Мотивациялық -қозғаушылық

Психологиялық дайындық:

- Балалар, таңертең көзімізді ашып оянғанда терезеге көзіміз түседі, сонда ең алдымен нені көреміз?

- Олай болса, бүгін біз бір-бірімізге күн сияқты жылы лебізімізді білдірейік.
Кел балалар күлейік,

Күлкіменен түлейік.

Қабақ шытқан не керек,

Күліп өмір сүрейік.

Балалар дөңгелене тұрып сұраққа жауап береді.

- Күнді, күннің шуағын, нұрын көреміз.
Бірге орындайды.

Ұйымдастыру - іздестіру

Өткен тақырыпты пысықтау. Көктем туралы сұрақ-жауап.Әңгімелету.

Жаңа тақырып:  «Төлдер айтысы»

- Балалар өзімізге таныс қандай ертегі, әңгімелерді білеміз?

 - Сендердің күн сияқты күлімдеген аналарың өздеріңді қалай еркелетеді?

 1. Дәптермен жұмыс. «Төлдер айтысы» ертегісін әңгімелеу

 Слайд көрсетіледі. 

- Ертегіге қандай кейіпкерлер қатынасты?

- Төлдер бір-бірімен не үшін айтысты?

- Лақ не айтты?

- Құлын не айтты?

- Бұзау не деді?

- Қошақан мен бота не деді?

Адам не деп жауап берді?

Сергіту: "Төлдер" әні 

Жұмбақ шешу:

Аласа ғана бойы бар,
Айналдырып киген тоны бар.        

Өзі үлкен жануар,
Үстінде екі тауы бар.                      

Басында екі таяғы бар,
Төрт аяғы бар,
Адам деуге болмайды,
Сақалы тағы бар.                     

Дидактикалық ойын: «Төліңді тап»

2. Д/о: «Не қалай дыбыстайды ?»
Балалардың жауабын тыңдау.

3. Шығармашылық тапсырма

Суреттерді пайдалана отырып, сөйлем құрау, сөздерге дыбыстық талдау жасау.
4. Тыйым сөздер:

«Малды басынан ұрма»,

«Малды теппе, ақты төкпе»,

«Малға теріс мінбе»

Жас малдың тісін санамайды. Мал қораның сыртында, ішінде ысқырмайды. Түнде мал санамайды, ешкімге мал бермейді.

Бақташы ата келеді: - Балаларым амансыңдар ма, сендер бәрің де үлкен еңбек еттіңдер. Төрт түлік мал еңбек еткен адамның ғана қарнын тойғызады, азығын сыйлайды. Мен сендерге ризамын, сендер төрт түлік мал туралы көп біледі екенсіңдер. Мен сендерге «Төрт түлікті шақыру» - ойынын ала келдім. Қане ойын құмар балаларым ,кім ортаға шығады?
5. Д/о: «Төрт түлікті шақыру»

Ойын шарты: Бақташы атай төлдердің маскасын балаларға таратып береді.

Пұшай-пұшайт дегенде қошақандар жүгіріп бақташының қасына жиналады.
Шөре-шөре - дегенде лақтар секіріп келеді.
Құрау-құрау - дегенде құлындар келеді.
Аухау-аухау - дегенде бұзаулар,
Көс-көс - дегенде ботақандар шауып келеді.
Бақташы атай: Менің өрісте толы малым бар. Мен енді жайылымға қайтамын.

Балалар көктем туралы ойларын айтады.

- Балалар өздеріне таныс ертегілерді айтады.

- Қошақаным,

ботақаным,

құлыншағым.

- Үй жануарлары.

Балалардың жауаптары.

Балалар әнмен бірге сергіту жаттығуын орындайды.

- қой

- түйе

- ешкі

Түйе боздайды. Жылқы кісінейді. Сиыр мөңірейді. Қой маңырайды. Ешкі бақылдайды. (үй жануарларының төлін тауып, дауысын салады)

- Мен сиырға шөп салдым.

- Малды жайлауға айдадым.т.б.

Балалар тыйым сөздерді қайталап есте сақтайды.

Балалар масканы киіп кейіпкерлердің роліне енеді.

Балалар бақташымен қоштасады.

Рефлексивті - түзетушілік

Қорытынды :

-Ертегі не туралы?

-Үй жануарларының адамдарға қандай пайдасы бар?

-Ешкі,қой,сиыр,түйе, жылқының төлдерін ата.

-Үй жануарларын қалай шақырады?

 -Мал туралы қандай тиым сөздермен таныстық?

Балалардың жауаптары .