Менің мысығым

Кажикова Айсулу Т, «Бөбектер» шағын орталығының тәрбиешісі,

Павлодар облысы, Екібастұз ауданы

Тақырыбы: Менің  мысығым.

Білім беру саласы: Коммуникация. Бөлімі: Сөйлеуді дамыту.

Мақсаты: Сурет  бойынша  әңгіме  құрастыруға үйретуді  жалғастыру.Тілде  сын  есімдерді  белсенді (кішкентай,тентек,жұмсақ,ойынпаз, т.б.) қолдана  білуге  жаттықтыру. «М» дыбысын  айтуға  жаттықтыру. Үй  жануарларына  деген  қамқорлық сезімін  ояту.

Көрнекіліктер:Мысық  және оның балаларының (мысықтың балалары доппен, жіппен ойнап жүр) суреті.

Әдіс-тәсілдері: сұрақ-жауап, әңгімелеу,ойын.

Сөздік жұмыс: мысық, жұмсақ, үлпілдек, тентек, ойынпаз.

Қостілділік  компонент: мысық-кошка, жұмсақ-мягкий, үлпілдек-воздушный.

Әрекет кезеңдері:

Тәрбиешінің іс – әрекеті.

Балалардың іс – әрекеті.
Мотивациялық қозғаушы
Ұйымдастырушылық-ізденушілік
Рефлексиялық-түзетушілік

Мотивациялық- қозғаушы

«Білер қазақ баласы,

Сәлем –сөздің анасы» дегендей сәлемдесіп алайық.

Шаттық шеңбері

Арайлап таң атты

Алтын сәуле таратты.

Қайырлы күн, балалар!

Сәлеметсіздер ме, апайлар!

Ұйымдастырушылық-ізденушілік:

-Балалар қазір жылдың қай мезгілі?
-Балалар көктем мезгілінің ерекшеліктері қандай?(күн жылынады, құстар ұшып келеді, ағаштар бүршік жарады)

Балалар, мен балабақшаға келе жатқанымда сиқырлы қалта  тауып алдым.

Онда  хат бар екен. Хатта: « Өлең не туралы екенін білсеңдер ішінде не барын табасыңдар»- деп жазылған .

«Мысық» Ә.Баубеков

Мышым,мышым, мысығым,

Екі көзді қысығым,

Ол ақылды, ол батыр,

Көрдім талай қызығын. 

-Балалар, өлең  не туралы айтылған?

Сиқырлы қалтаны ашып, ішінен ойыншық мысықты алып шығады.

-Балалар сендердің үйлеріңде мысық бар ма?

-Енді балалар  ойыншық  мысығымызды ұстап, жүнін сипап көрейікші.

-Ол қандай?

-Мысықтың жүні жұмсақ, үлпілдек.

-Мысық қалай дыбыстайды?
-Балалар мысық үй жануарына жатады.

Мысықтың баласын біз «марғау» деп атаймыз,оның түсі ақ, сары, қара болады.

Демонстрациялық материалдармен жұмыс.

-Балалар,  тақтаға қараңдаршы суреттен не көріп тұрсыңдар?

-Мынау не?

-Мысық қандай екен?

Үлкен мысық.Кәнекей барлығымыз қайталайық. Үлкен мысық.

-Үлкен мысықтың жанында қандай мысық ойнап жүр?

-Мына мысықтың баласы сүтті төгіп қойыпты, оны біз тентек мысық деп айтамыз.

-Екінші мысық не істеп жатыр?

-Ол ұйықтап жатыр, оны ұйқышыл мысық дейміз.

-Балалар мысық қалай ұйықтайды? Пыр-пыр-пыр.

-Ал үшінші мысығымыз не істеп тұр?

-Ол жіппен ойнап жүр.  Оны ойынпаз мысық деп атаймыз.

Тіл ұстарту жаттығу.
Ық – ық – ық,
Тышқан  жейді мысық -бәріміз қайталайық.

Ойын : «Байқағыш» деп аталады.

Ойын шарты: Мысықты ойлап,көздеріңе елестетіп,еске түсіріп,менің сұрақтарыма жауап беріңдер. 

- Мысықта қанша құлақ бар?

- Мысықта қанша аяқ бар ?

- Мысықта қанша құйрық бар?

- Мысықтың құлағы ұзын ба,құйрығы ұзын ба?

- Мысық туралы қандай тақпақтар білесіңдер?

(«м» дыбысының анық айтылуына мән беру).

Қостілділік  компонент: мысық-кошка, жұмсақ-мягкий, үлпілдек-воздушный. Балалар  шаршадыңдар ма, бой жазып денемізді сергітіп алайық

Сергіту сәті:

Мысық сүтке тояды,

Қарнын сипап қояды.

Жүрісі оның баяу.

Дейді мысық мияу-мияу.

Үлестірмелі материалдармен жұмыс.

Дидактикалық ойын: «Мысық нені жақсы көреді?»

1-топ:
Мысықтың   нені жақсы көретінін қыстырғыш арқылы көрсетеді.
( Балық.Сүт.Тышқан.Орама жіп.Доп.)

2-топ:

 Балаларға үлестірмелі тапсырма беріледі, мысыққа қажет заттар, сонымен қатар артық зат бейнеленген, соны балалар қарындашпен қоршап сызады.

Рефлексиялық-түзетушілік

Синквейн әдісі

1. Зат есім. Мысық
2. Сын есім. Тентек,ойынпаз.
3. Етістік.  Жүгіреді, ойнайды, секіреді.
4. Төрт сөзден тұратын сөйлем құрау. Мысық жіппен ойнап жүр.
5. Синоним. Үй жануары- мысық

Күтілетін  нәтиже:

Орындайды: сурет бойынша әңгімелеп, әр сөздегі дыбыстарды анық айтуды.

Түсінеді: сын есімдерді зат есімдермен қалай байланыстыру керектігін.

Қолданады: сурет бойынша сөйлем  құрастыра білу іскерліктерін.

 

---