Айырмашылығын табайық

Мақсаты: Балалардың заттарды салыстыру арқылы айырмашылығын табу дағдыларын қалыптастыру, зейінін, ойлау қабілетін дамыту. Міндеттері: • Заттарды салыстыра білуге үйрету; • Ұқсастық пен айырмашылықты ажырата алуына жағдай жасау; • Балалардың сөздік қорын байыту (үлкен–кіші, бар–жоқ, бірдей–әртүрлі); • Зейінін, есте сақтауын және ұсақ моторикасын дамыту. Көрнекіліктері: • Қара қағазға жапсырылған суреттер (алма, жануарлар, балалар бейнесі т.б.); • Магниттер; • Тақта. Оқу іс-әрекетінің барысы 1. Ұйымдастыру кезеңі Балаларды шаттық шеңберіне жинау. – Балалар, қане бір-бірімізге күлімдеп қарайық – Бүгін біз қызықты ойын ойнаймыз. 2. Негізгі бөлім Тәрбиешінің әрекеті: Тақтаға қара қағазға жапсырылған екі ұқсас суретті іледі (мысалы: екі алма – бірінде жапырақ бар, бірінде жоқ). – Балалар, мына суреттерге мұқият қараңдар. – Олар бірдей ме? – Қандай айырмашылықты көріп тұрсыңдар? Балалардың әрекеті: Балалар суреттен айырмашылықты табады, көрсетеді, айтады. Ойын бірнеше суретпен жалғастырылады (жануарлар, балалар бейнесі, заттар). 3. Сергіту сәті «Алма» қимылды ойыны (қолмен алма теру, секіру, қол соғу) 4. Қорытынды бөлім – Балалар, бүгін біз не үйрендік? – Айырмашылық деген не? Балаларды мадақтау: – Жарайсыңдар! Сендер өте мұқият болдыңдар

---