Көңіл ашар

Айт дегенде өлеңді аяр болмас.
Жамандардың сөзінде баян болмас.
Осындайда өлең айт, замандастар,
Күнде мұндай тамаша даяр болмас.

Сарала шымшық,
Болдым ынтық, қойдың ғой,
Ынтық етіп мені-ау бүйтіп.

Ауылымызға жүре гөр келіп-кетіп,
Көтерелік көңілді еліктетіп.
Қос аттыға жеткізбей өтер өмір,
Басымыздан барады дәурен өтіп.

Сарала шымшық,
Болдым ынтық, қойдың ғой,
Ынтық етіп мені-ау бүйтіп.

Бәйтеректің басында бір ақ сұңқар,
Саулығымды қалқатай кімнен сұрар.
Ғашық жар, құрбылар, күл де ойна,
Қай моланың басында малың тұрар.

Сарала шымшық,
Болдым ынтық, қойдың ғой,
Ынтық етіп мені-ау бүйтіп.

---