Өлең, жыр, ақындар

Қаракөз /1-нұсқа/

  • 11.05.2019
  • 0
  • 0
  • 5119
Мынау қолым, Қаракөз, саған созған,
Махаббаттың жүректе оты қозған.
От жалындай көзіме көрінеді,
Желбіреген көйлегің берен боздан.

Қаракөз сәулем көз көрген,
Түн ұйқысын төрт бөлген.
Шақырғанда бармаған,
Сұм басым, үйбай, сөзге ерген.

Жүрген жүріс, Қаракөз, күлген күлкің,
Жанған жүрек қасында болсаң шіркін!
Сені ойласам, Қаракөз, ас батпайды,
Түнде ұйқым келмейді, күндіз күлкім.

Қаратаудың басынан түсер сағым,
Сағынғанда қайда едің, ғашық жарым?
Туған айдай секілді сүйген сәулем,
Сенің сұлу болғаның деуші ем бағым.

Жаман атты мінбеген жалды екен деп,
Жалынбағын жаманға малды екен деп.
Айналайын сүйген жар, айнып кетпе,
Аяғына қан түсіп қалды екен деп.



Пікірлер (0)

Пікір қалдырыңыз

Қисмет /2-нұсқа/

  • 0
  • 0

“Қисмет” жаралған жоқ бекер текке,
Шырқалса, көтерілер аспан көкке.
Қалықтап, жерге қонбай тұрып алар,
Шашқандай ән маржанын төңірекке.

Толық

Қисмет /3-нұсқа/

  • 0
  • 0

Аспанда түн қараңғы ай болмаса,
Ауырмас ер жүрегі қайғырмаса.
Бәйгеден ат та арманда шаба алмаса,
Топта сөз біз де арманда таба алмаса.

Толық

Қысмет

  • 0
  • 0

Арғынмын, атым Әсет арындаған,
Арындап ән сала ма дарымаған?
Аспанның аясында ән шалқытқан,
Бұлбұлмын даусым көкте дамылдаған.

Толық

Қарап көріңіз