Өлең, жыр, ақындар

Тұралы мен әкесі

  • 25.05.2019
  • 0
  • 0
  • 1374
Жиылыс ұзап тарады
Қайтты үйіне Тұралы.
— Не мәселе қаралды? —
Деп әкесі сұрады.
— Мәселесі көп екен.
Басым болды сын жағы.
Бір мәселе — мен екем,
Мені қатты сынады.
Жоқ-ау енді шынында,
Өзгенікі бір басқа,
Мені тіпті шуылдап,
Жазғырады құр босқа.
Әсіресе Тұрағұл,
Жандай-ақ бір қасы бар...
— Сонда дағы, шырағым,
Шикілігің бар шығар.
Жазғыруға кім ынтық
Жөні бар ғой айыптың...
— Жазығым кеше ұмытып,
Қой суармай қойыппын.
Жатады олар несіне,
Сөз шығын сондайға!
Ертесі не, кеші не
Қой су ішсе болмай ма? —
Деді ол кейіп, түксие:
— Шөлдеп келдім, шай бар ма?
— Ертесі не, кеші не
Бір шай ішсең болмай ма? —
Деді әйелі Гүлжамал,
«Батыр» басын шайқады!..
Күбір етті: — бар ма амал,
Бұл да есесін қайтарды!..



Пікірлер (0)

Пікір қалдырыңыз

Жамбыл ауылында

  • 0
  • 0

Қарсы алып қалыңдықтай таң шапағын,
Таулар тұр төгілдіріп ақ шапанын.
Келеміз етектегі елден шығып,
Ауылына жаяу тартып жақсы атаның.

Толық

Көктемгі көңіл әуендері

  • 0
  • 0

Оралмайтын дүниенің — аңсау бәрі,
Жанжақ түгел, дене жас, жан саудағы.
Арман-түлкі жыл сайын қайта түлеп,
Қарашаның қарына қанша аунады?!

Толық

Би

  • 0
  • 0

Қыз тудың, атын Дили деп қойдым,
Ержетті Дили, ұқсады саған.
Дилижан қызым, мерекем, тойым,
Екінші биыл класқа барған.

Толық